ଭୁବନେଶ୍ବର: କୋରୋନା ସଂକ୍ରମଣକୁ ନେଇ କ୍ୟାବିନେଟ ସଚିବଙ୍କ ଅଧ୍ୟକ୍ଷତାରେ ବସିଥିବା ବୈଠକ ଶେଷ ହୋଇଛି । ତେବେ ଦେଶରେ ବଢୁଥିବା ସଂକ୍ରମଣକୁ ଦେଖି ଟେଷ୍ଟିଂ-ଟ୍ରେସିଂ-ସର୍ଭିଲାନ୍ସ ବଢାଇବା ସହିତ କୋଭିଡ ହସ୍ପିଟାଲକୁ ପ୍ରସ୍ତୁତ ରଖିବା ପାଇଁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି ।
ଦିନକୁ ଦିନ ପୁଣି ଦେଶ ସମେତ ରାଜ୍ୟରେ ବଢି ଚାଲିଛି କୋରୋନା ସଂକ୍ରମଣ । ଏହାକୁ ମୁକାବିଲା କରିବା ପାଇଁ ଶୁକ୍ରବାର କ୍ୟାବିନେଟ ସ୍ତରରେ ବୈଠକ ବସିଛି । ଏହାସହ କ୍ଲଷ୍ଟର ସ୍ଥାନରେ କଣ୍ଟେନମେଣ୍ଟ କରିବାକୁ ନିର୍ଦ୍ଦେଶ ଦିଆଯାଇଛି । ବର୍ତ୍ତମାନ ଅଧିକ ସଂକ୍ରମିତ ଚିହ୍ନଟ ହେଉଥିବା ବେଳେ ହସ୍ପିଟାଲାଇଜ ବହୁତ କମ ଲୋକଙ୍କୁ ଆବଶ୍ୟକ ପଡୁଛି । ନୂଆପଡାରେ କେବଳ ଜଣଙ୍କୁ ଭୀମସାର ପଠାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ରାଉରକେଲା, କୋରାପୁଟ, ବୁର୍ଲା, ବ୍ରହ୍ମପୁର, କଟକ ଏସସିବିରେ ଅଧିକ ସଂଖ୍ୟକ ଶଯ୍ୟା ରହିଛି । ଏଣୁ ଚିନ୍ତା କରିବାର କୌଣସି କାରଣ ନାହିଁ ଏବଂ ଆଗକୁ ନିୟମକୁ କଡ଼ାକଡ଼ି କରାଯିବ ଓ ଲୋକଙ୍କୁ ଆହୁରି ସଚେତନ କରାଯିବ ସମ୍ପର୍କରେ ବୈଠକରେ ଆଲୋଚନା ହୋଇଛି ।
