ଭୁବନେଶ୍ବର: ଘରୋଇ ହସ୍ପିଟାଲ ପାଇଁ ଜାରି ହେଲା ଗାଇଡଲାଇନ୍ । ରାଜ୍ୟରେ ଦିନକୁ ଦିନ କୋରୋନା ରୋଗୀଙ୍କ ସଂଖ୍ୟା ବଢୁଥିବା ହେତୁ ରାଜ୍ୟ ସ୍ଵାସ୍ଥ୍ୟ ବିଭାଗ ପକ୍ଷରୁ ଘରୋଇ ହସ୍ପିଟାଲରେ ସ୍ଵତନ୍ତ୍ର କୋଭିଡ୍ ଓ୍ଵାଡ୍ ଗଠନ ପାଇଁ ନିର୍ଦ୍ଦେଶ ଦିଆଯାଇଛି । ଏହି ନିର୍ଦ୍ଦେଶନାମା ଅନୁସାରେ ଘରୋଇ ହସ୍ପିଟାଲକୁ ୧୦ ପ୍ରତିଶତ ବେଡ୍ କୋଭିଡ ରୋଗୀଙ୍କ ଚିକିତ୍ସା ପାଇଁ ବ୍ୟବହାର କରିବା ପାଇଁ କୁହାଯାଇଛି । ଏହି ଗାଇଡଲାଇନ୍ ଅନୁସାରେ ମାଇଲ୍ଡ ସିମ୍ପ୍ଟମ୍ ଦେଖାଯାଉଥିବା ରୋଗୀଙ୍କ କ୍ଷେତ୍ରରେ ହୋମ କ୍ଵାରେଣ୍ଟାଇନ/ପେଡ୍ କ୍ଵାରେଣ୍ଟାଇନରେ ରଖିବାକୁ ନିର୍ଦ୍ଦେଶ ଦିଆଯାଇଛି ।
ଏହାସହ କୋଭିଡ ଚିକିତ୍ସା ପାଇଁ ଆବଶ୍ୟକୀୟ ପରିମାଣର ଆଇସିୟୁ, ଭେଣ୍ଟିଲେଟର ମହଜୁଦ ରଖିବାକୁ ଗାଇଡଲାଇନରେ ଉଲ୍ଲେଖ ଅଛି । ଏହାସହ ଜ୍ବର ହୋଇଥିବା ରୋଗୀଙ୍କୁ ହସ୍ପିଟାଲରେ ଅନ୍ୟତ୍ର ଚିକିତ୍ସା କରିବା ପାଇଁ କୁହାଯାଇଛି । ଏହି ପ୍ରାଇଭଟ୍ ହସ୍ପିଟାଲରେ ଚିକିତ୍ସା ଖର୍ଚ୍ଚ ନିଜେ ରୋଗୀ ବହନ କରିବେ ବୋଲି ଗାଇଡଲାଇନରେ ଦର୍ଶାଯାଇଛି ।
ଭୁବନେଶ୍ବରରୁ ତପନ କୁମାର ଦାସ, ଇଟିଭି ଭାରତ
