ଭୁବନେଶ୍ବର: ଦିନକୁ ଦିନ ଭୟାନକ ହେଉଛି କୋରୋନା । କୋରୋନାକୁ ହରାଇ ବାକୁ ହେଲେ ଲୋକଙ୍କ ମଧ୍ୟରେ ସଚେତନତା ରହିବା ଦରକାର । ଏ ନେଇ ବିଏମସି ଦକ୍ଷିଣ ପୂର୍ବ ଜୋନରେ କୋରୋନାକୁ ନେଇ ସଚେତନତା ଅଭିଯାନ ଆରମ୍ଭ ହୋଇଛି ।
ବିଏମସି ପକ୍ଷରୁ କୋରୋନା ସଚେତନତା କାର୍ଯ୍ୟକ୍ରମ
ବିଏମସି ଦକ୍ଷିଣ ପୂର୍ବ ଜୋନରେ କୋରୋନାକୁ ନେଇ ସଚେତନତା ଅଭିଯାନ ଆଉଟରିଚ୍ କାର୍ଯ୍ୟକ୍ରମ ୟୁନିଟ୍ 9 ବାଳିକ ଉଚ୍ଚ ବିଦ୍ୟାଳୟରେ ଅନୁଷ୍ଠିତ ହୋଇଯାଇଛି | ବିଧାୟକ ଅନନ୍ତ ନାରାୟଣ ଜେନା ଏବଂ ଆଡିସିନାଲ ବିଏମସି କମିଶନର୍ ଏହି ଉତ୍ସବରେ ଯୋଗ ଦେଇଛନ୍ତି । ପ୍ରତି ୱାର୍ଡରେ ଲୋକମାନଙ୍କୁ ସଚେତନ କରାଯାଉଛି । ଏହା ସହିତ ସମସ୍ତଙ୍କୁ ଭ୍ୟାକ୍ସିନ ନେବାକୁ ଆହ୍ବାନ ଦିଆଯାଇଛି ।
କୋରୋନାକୁ ନେଇ ଲୋକମାନଙ୍କ ଭିତରେ ସଚେତନତା ଆଣିବା ଏହି ସଭାର ମୁଖ୍ୟ ଲକ୍ଷ୍ୟ । କୋରୋନାକୁ କିପରି ହରାଇବାକୁ ହେବ ସେ ନେଇ ୟୁନିଟ୍ 9ର ସବୁ କମିଟିର ଲୋକମାନଙ୍କ ଉପସ୍ଥିତରେ ଆଲୋଚନା କରାଯାଇଛି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
