ଭୁବନେଶ୍ବର: ପରୀକ୍ଷା ଦେଇ ଉତ୍ତୀର୍ଣ୍ଣ ହେଲୁ ହେଲେ ଆମର ଚାକିରୀ ନାହିଁ । ସରକାର ମିଛ ପ୍ରତିଶ୍ରୁତି ଦେଇ ଆମକୁ ଅନ୍ଧାର ଘେରରେ ରଖିଛି । ଏମିତି କିଛି ଅଭିଯୋଗ ନେଇ ସକାଳୁ ସକାଳୁ ରାଜଭବନ ସମ୍ମୁଖରେ ଅନେକ ଛାତ୍ରଛାତ୍ରୀ ଧାରଣାରେ ବସିଛନ୍ତି ।
'ଚାକିରୀ ନଦେଇ ସରକାର ପେଟକୁ ଲାତ ମାରୁଛନ୍ତି'
ଛାତ୍ରଛାତ୍ରୀଙ୍କ କହିବା ଅନୁସାରେ ସେମାନେ କଣ୍ଟ୍ରାକ୍ଟ ଟିଚର ଏଲିଜିବିଲିଟି ଟେଷ୍ଟ ପରୀକ୍ଷା ଦେଇ ଉତ୍ତୀର୍ଣ୍ଣ ହୋଇଛନ୍ତି । ଶିକ୍ଷକ ହେବା ପାଇଁ ସବୁ ପ୍ରକାର ପରୀକ୍ଷା ଦେବା ପରେ ବି ଆଜି ପର୍ଯ୍ୟନ୍ତ ସରକାର ଚାକିରୀଟିଏ ଦେଉନାହାଁନ୍ତି । ଭେଟି ସାରିବା ପରେ ସରକାର ସବୁ ବୁଝିବାର ପ୍ରତିଶ୍ରୁତି ଦେଇ ଏବେ ସମ୍ପୂର୍ଣ୍ଣ ଭାବରେ ଭୁଲି ଯାଇଛନ୍ତି ।
ଗରିବ ପାଠ ପଢ଼ୁଆ ପିଲାଙ୍କ ପେଟକୁ ଲାତ ମାରିଛନ୍ତି ବୋଲି ଧାରଣାରତ ଛାତ୍ରଛାତ୍ରୀ ମାନେ ପ୍ରକାଶ କରିଛନ୍ତି ।
ଭୁବନେଶ୍ବରରୁ ଶତରୂପା ସାମନ୍ତରାୟ, ଇଟିଭି ଭାରତ
