ଭୁବନେଶ୍ବର: ଡାକ୍ତର ଅଭାବ ପୂରଣ କରିବା ପାଇଁ ରାଜ୍ୟ ସରକାରଙ୍କ ନୂଆ ରଣନୀତି । ବଢିବ ଠିକା ଡାକ୍ତରଙ୍କ କାର୍ଯ୍ୟକାଳ । ଠିକା ଡାକ୍ତରଙ୍କ ଅବସରର ବୟସ 68 ପରିବର୍ତ୍ତେ 70 କରିବାକୁ ନିର୍ଦ୍ଦେଶ ଦେଇଛନ୍ତି ସ୍ବାସ୍ଥ୍ୟ ମନ୍ତ୍ରୀ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ରାଜ୍ୟରେ କେଉଁ ଅଞ୍ଚଳରେ କେତେ ଡାକ୍ତର ପଦବୀ ଖାଲି ଅଛି, ଆସନ୍ତା 15 ଦିନ ମଧ୍ୟରେ ଜଣାଇବାକୁ ନିର୍ଦ୍ଦେଶ ଦେଇଛନ୍ତି ମନ୍ତ୍ରୀ । ଏଥିସହ ଆବଶ୍ୟକ ପଡିଲେ ସିଡିଏମଓମାନେ ନିଜ ଜିଲ୍ଲାରେ ଅବସରପ୍ରାପ୍ତ ଡାକ୍ତରଙ୍କୁ ନିଯୁକ୍ତି କରିପାରିବେ ବୋଲି କହିଛନ୍ତି ମନ୍ତ୍ରୀ । ଏପରିକି ମେଡିକାଲରେ ରହିଥିବା ସମସ୍ୟା ଗୁଡିକୁ ସମାଧାନ କରାଯିବ ବୋଲି ମଧ୍ୟ ମନ୍ତ୍ରୀ କହିଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
