ଭୁବନେଶ୍ବର: ସରକାରୀ କମ୍ପାନୀ ମାନଙ୍କର ବିଦ୍ୟୁତ ମୂଲ୍ୟ ବୃଦ୍ଧିକୁ ବିରୋଧ କରିଛି ଉପଭୋକ୍ତା ମହାସଂଘ ତଥା ବିଦ୍ୟୁତ ଶ୍ରମିକ କର୍ମଚାରୀ ଏକତା ମଞ୍ଚ । ଏନେଇ ଭୁନେଶ୍ବରର କେଶରୀ ହୋଟେଲଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛି ମଞ୍ଚ।
ବର୍ଦ୍ଧିତ ମୂଲ୍ୟ ମୁତାବକ ରାଜ୍ୟ ସରକାରଙ୍କ ବିଦ୍ୟୁତ କମ୍ପାନୀମାନେ ଚଳିତ ବର୍ଷ ପାଇଁ OERC ନିକଟରେ ବିଦ୍ୟୁତ ଦର ବୃଦ୍ଧିପାଇଁ ଏକ ପିପିଟିସନ ଫାଇଲ କରିଛନ୍ତି । ଯେଉଁଥିରେ ୟୁନିଟ ପିଛା ୧ .୫୦ ବଢିବା ପାଇଁ ପ୍ରସ୍ତାବ ଦିଆଯାଇଛି । ଏଭଳି ହେଲେ ସାଧାରଣ ଉପଭୋକ୍ତ ୟୁନିଟ ପିଛା ୭.୭୫ ବିଦ୍ୟତ ଶୁକ୍ଳ ଦେବେ। ଯାହା କେବଳ କର୍ମଚାରୀଟିଏ ନୁହେଁ, ସାଧାରଣ ଖାଉଟି ଉପରେ ସିଧାସଳଖ ପ୍ରଭାବ ପକାଇବ ।
ଏହାସହ ବିଦ୍ୟୁତ ବିଲ ନ ଦେଇପାରି ଶିଳ୍ପ ସଂସ୍ଥା ବି ବନ୍ଦ ହେଇଯିବ । ସବୁଠାରୁ ବଡ କଥା, ରାଜ୍ୟ ସରକାର, ବିଦ୍ୟୁତ ବିଭାଗର କେତେ କଣ ଆୟ ଓ ବ୍ୟୟ ହୋଇଛି, ତାହାର ହିସାବ ଦେବା ପରିବେର୍ତ୍ତେ ଘରୋଇ କମ୍ପାନୀମାନଙ୍କୁ ହସ୍ତାନ୍ତର କରି ଲୋକଙ୍କୁ ଶୋଷଣ କରୁଛି । ଯାହାକୁ ସଂଘ ବିରୋଧ କରୁଛି ଏବଂ ସାଧାରଣ ଉପଭୋକ୍ତଙ୍କ ସୁବିଧାକୁ ଚାହିଁ ଘରୋଇ କମ୍ପାନୀର ବିଦ୍ୟୁତ ଦର ବୃଦ୍ଧିକୁ ସରକାରଙ୍କୁ ପ୍ରତ୍ୟାହାର ପାଇଁ ଦାବି କରିଛି । ଏଭଳି ହୋଇପାରିଲେ ବିଦ୍ୟୁତ ଗ୍ରାହକମାନେ ବିଦ୍ୟୁତ କିଣିବା ସମ୍ଭବ ହେଇପାରିବ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
