ଭୁବନେଶ୍ବର: ଷ୍ଟାର ପ୍ରଚାରକ ତାଲିକାରୁ ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନଙ୍କ ନାଁକୁ ବାଦ ଦେବାକୁ ନେଇ ପ୍ରତିକ୍ରିୟା ରଖିଲେ କଂଗ୍ରେସ ମୁଖପାତ୍ର ନିଶିକାନ୍ତ ମିଶ୍ର । ପ୍ରସାଦ କଂଗ୍ରେସର ବରିଷ୍ଠ ନେତା । ଖାଲି କଂଗ୍ରେସ ନୁହେଁ ସାରା ଓଡିଶାରେ ତାଙ୍କର ନିଜସ୍ବ ସ୍ଥାନ ରହିଛି । ହେଲେ ସେ ବିଷୟରେ କୌଣସି ମନ୍ତବ୍ୟ ଦେବା ଠିକ ନୁହେଁ ।
ତେବେ ଆଭ୍ୟନ୍ତରୀଣ ଗୋଷ୍ଠି କନ୍ଦଳ ଯୋଗୁ ଦଳର ଭାବମୂର୍ତ୍ତି କ୍ଷତି ହେବାର ସମ୍ଭାବନା ରହିଛି । ତେଣୁ ଏହା ଠିକ ନୁହେଁ ବୋଲି ନିଶିକାନ୍ତ କହିଛନ୍ତି । ସୂଚନାଯୋଗ୍ୟଯେ ପଞ୍ଚାୟତ ନିର୍ବାଚନ ପାଇଁ କଂଗ୍ରେସ ପକ୍ଷରୁ 20 ଜଣିଆ ଷ୍ଟାର ପ୍ରଚାରକ ତାଲିକା ପ୍ରକାଶ ପାଇଥିଲା । ଯେଉଁଥିରେ ପ୍ରସାଦଙ୍କ ନାଁ ନଥିଲା ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
