ଭୁବନେଶ୍ବର: ପାଟକୁରା ଉପନିର୍ବାଚନ ପାଇଁ 40 ଜଣିଆ ଷ୍ଟାର ପ୍ରଚାରକ ତାଲିକା ପ୍ରକାଶ କରିଛି କଂଗ୍ରେସ। ପ୍ରଥମେ ଶାସକ ବିଜେଡି ଓ ବିଜେପି ଦଳୀୟ ପ୍ରଚାରକଙ୍କ ତାଲିକା ପ୍ରକାଶ କରିବା ପରେ କଂଗ୍ରେସ ମଧ୍ୟ ତାଲିକା ପ୍ରକାଶ କରିଛି । ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଦଳ ପକ୍ଷରୁ ଷ୍ଟାର ପ୍ରଚାରକଙ୍କ ତାଲିକା ପ୍ରଦାନ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ପ୍ରଚାରକ ତାଲିକାରେ ଦଳୀୟ ପ୍ରଭାରୀ ଜିତେନ୍ଦ୍ର ସିଂ, ସହପ୍ରଭାରୀ ଟିଏସ ସିଂଦେଓ, ପିସିସି ସଭାପତି ନିରଞ୍ଜନ ପଟ୍ଟନାୟକ, କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର, ଦଳର ଏକମାତ୍ର ସାଂସଦ ଏବଂ ସମସ୍ତ ବିଧାୟକ ରହିଛନ୍ତି । ରାଜ୍ୟରୁ ଦଳର ଏକ ମାତ୍ର ରାଜ୍ୟସଭା ସାଂସଦ ଥିବା ରଞ୍ଜିବ ବିଶ୍ୱାଳ ମଧ୍ୟ ଅଛନ୍ତି । ଆସନ୍ତା 13ତାରିଖରୁ ପ୍ରଚାର ଆରମ୍ଭ କରିବ ଦଳ । ଚଳିତ ମାସ 20 ତାରିଖରେ ପାଟକୁରା ଆସନ ପାଇଁ ହେବ ଭୋଟଗ୍ରହଣ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
