ଭୁବନେଶ୍ବର: ଲିଙ୍ଗରାଜ ମନ୍ଦିର ନିକଟରେ ଥିବା ଜମିରେ ଜଣେ ବାହାର ରାଜ୍ୟର ବ୍ୟକ୍ତି JCB ଲଗାଇ ସଫା କରିବାକୁ ବିରୋଧ କରିଛନ୍ତି ବରିଷ୍ଠ କଂଗ୍ରେସ ନେତା ସୁର ରାଉତରାୟ । କୌଣସି ପରିସ୍ଥିତିରେ ମଧ୍ୟ ଠାକୁରଙ୍କ ଜମି ମାଫିଆଙ୍କ ହାତକୁ ଯିବାକୁ ଦେବୁ ନାହିଁ ବୋଲି କହିଛନ୍ତି ।
ମୁଖ୍ୟମନ୍ତ୍ରୀଙ୍କୁ ସୁରଙ୍କ ଅନୁରୋଧ, ପ୍ରଭୁ ଲିଙ୍ଗରାଜ ଜମିକୁ ରକ୍ଷାକର
ଏଥିସହ ଏନେଇ ମୁଖ୍ୟମନ୍ତ୍ରୀ ତୁରନ୍ତ ହସ୍ତକ୍ଷେପ କରନ୍ତୁ ବୋଲି ଆହ୍ବାନ କରିଛନ୍ତି ସୁର । ବରିଷ୍ଠ କଂଗ୍ରେସ ନେତା ସୁରଙ୍କ ଅଭିଯୋଗ ଅନୁଯାୟୀ, ଜଣେ ଖଣି ବ୍ୟବସାୟୀ ଲିଙ୍ଗରାଜ ମନ୍ଦିର ପାର୍ଶ୍ଵରେ ଥିବା ମହାପ୍ରଭୁଙ୍କ କୋଟି କୋଟି ଟଙ୍କାର ସମ୍ପତ୍ତି ହଡପ କରିବା ପାଇଁ ଚକ୍ରାନ୍ତ କରୁଛନ୍ତି । ମୁଖ୍ୟମନ୍ତ୍ରୀ ତୁରନ୍ତ ହସ୍ତକ୍ଷେପ କରି ଏହାର ଅନୁସନ୍ଧାନ କରନ୍ତୁ । ନହେଲେ କଂଗ୍ରେସ ଏହାର ଦୃଢ଼ ପ୍ରତିବାଦ କରିବ ବୋଲି ଚେତାବନୀ ଦେଇଛନ୍ତି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
