ଭୁବନେଶ୍ବର: କଂଗ୍ରେସର ପିଛା ଛାଡୁନି ବିବାଦ । ପୁଣି ପିସିସି ସଭାପତି ନିରଞ୍ଜନ ମିଶ୍ରଙ୍କ ଉପରେ ବର୍ଷିଲେ ଆଉ ଜଣେ କଂଗ୍ରେସ ନେତା । ଦଳକୁ ଠିକ ଭାବେ ନିରଞ୍ଜନ ପରିଚାଳନା କରିପାରୁନାହାଁନ୍ତି ବୋଲି ଅଭିଯୋଗ ଆଣିଛନ୍ତି ନିଲମ୍ବିତ କଂଗ୍ରେସ ନେତା ପ୍ରଦୀପ୍ତ ଦାସ ।
ପୂର୍ବତନ ପ୍ରଦେଶ କଂଗ୍ରେସ କମିଟିର ସାଧାରଣ ସମ୍ପାଦକ ପ୍ରଦୀପ୍ତ କୁମାର ଦାସଙ୍କୁ 6ବର୍ଷ ପାଇଁ ନିଲମ୍ବନ କରାଯାଇଛି । ତେବେ ତାଙ୍କୁ କଣ ପାଇଁ ନିଲମ୍ବନ କରାଗଲା ଓ ଏହାର କାରଣ କାହିଁକି ଜଣାଗଲା ନାହିଁ ବୋଲି ପ୍ରଶ୍ନ କରିଛନ୍ତି ପ୍ରଦୀପ୍ତ । କଟକ ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀଙ୍କ ଉପରେ ସେ ବର୍ଷିଛନ୍ତି । ବିଡ଼ିଓ ଭଳି ତାଙ୍କୁ ପୋଷ୍ଟିଂ ଦିଆଯାଉଛି । ଭୁବନେଶ୍ବର କଂଗ୍ରେସ ଜିଲ୍ଲା ସଭାପତି କଟକ ଜିଲ୍ଲା ସଭାପତି କେମିତି ହେବେ ବୋଲି ସେ ପ୍ରଶ୍ନ କରିଛନ୍ତି ।
ତେବେ କାରଣ ଦର୍ଶାଅ ନୋଟିସରେ ତାଙ୍କୁ ନିଲମ୍ବନ କରାଯାଇଛି । ପିସିସି ସଭାପତି ନିରଞ୍ଜନ ପଟ୍ଟନାୟକ ଦଳକୁ ଠିକ ଭାବେ ସଜାଡି ପାରୁନାହାନ୍ତି ବୋଲି ସେ ଅଭିଯୋଗ କରିଛନ୍ତି । ନିରଞ୍ଜନ କଂଗ୍ରେସକୁ ବୁଡ଼ାଇବାକୁ ପଣ କରିଛନ୍ତି ବୋଲି ମଧ୍ୟ ସେ ଅଭିଯୋଗ ଆଣିଛନ୍ତି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
