ଭୁବନେଶ୍ବର/କଟକ: ରାଜ୍ୟ ନିର୍ବାଚନ କମିଶନ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ନଭେମ୍ବର ୧୬ ତାରିଖରେ ଜାରି କରିଥିବା ବିଜ୍ଞପ୍ତି ପ୍ରତ୍ୟାହାର ନେଇ ହାଇକୋର୍ଟଙ୍କୁ ଜଣାଇବା ପରେ ଏବେ ରାଜ୍ୟରେ ବଢିଲା ରାଜନୀତି ।
ଏହାକୁ ନେଇ କଂଗ୍ରେସ ବିଧାୟକ ସୁର ରାଉତରାୟ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । ଅଭିଯୋଗ କରିଛନ୍ତି ସରକାର ଆଇନ କାନୁନ ଭୁଲି ମନ ଇଚ୍ଛା ସଂରକ୍ଷଣ ବ୍ୟବସ୍ଥା କରିଥିଲେ । କୋର୍ଟଙ୍କ ହସ୍ତକ୍ଷେପ ପରେ ଏହା ସ୍ପଷ୍ଟ । ନବୀନ ପଟ୍ଟନାୟକ ଆରମ୍ଭରୁ ପଛୁଆବର୍ଗଙ୍କୁ ଅବହେଳା କରିଆସୁଛନ୍ତି । ରାଜ୍ୟରେ ପାଖାପାଖି 52 ପ୍ରତିଶତ ପଛୁଆବର୍ଗର ଲୋକ ଅଛନ୍ତି । ସରକାର ସେମାନଙ୍କ ପ୍ରତି ଚରମ ଅବହେଳା କରିଛନ୍ତି ।
ସେପଟେ ରାଜ୍ୟ ଆଇନ ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା ଏହାକୁ ନେଇ ମୁହଁ ଖୋଲିଛନ୍ତି । ପଛୁଆ ବର୍ଗର(OBC) ଙ୍କ ପାଇଁ ପଞ୍ଚାୟତ ନିର୍ବାଚନରେ ସଂରକ୍ଷିତ ନଥିଲେ ମଧ୍ୟ ପ୍ରାର୍ଥୀ ଚୟନରେ ସେମାନଙ୍କୁ ଅଗ୍ରାଧିକାର ଦିଆଯିବ ।
ସୁପ୍ରିମକୋର୍ଟର ନିର୍ଦେଶ ଅନୁଯାୟୀ ଯେହେତୁ ପଛୁଆ ବର୍ଗ (OBC) ଙ୍କର ଜନଗଣନା ହୋଇନଥିଲା । ତେଣୁ ତାହା ଅଣସଂରକ୍ଷିତ ରହିବ । ତାକୁ ଆଧାର କରି ଏବଂ ହାଇକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଆଗାମୀ ନିର୍ବାଚନରେ ପ୍ରାର୍ଥୀ ଚୟନ କରାଯିବ ବୋଲି ମନ୍ତ୍ରୀ ପ୍ରତପ ଜେନା କହିଛନ୍ତି।
ଭୁବନେଶ୍ବରରୁ ଦେବସ୍ମିତା ରାଉତଙ୍କ ସହ କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
