ଭୁବନେଶ୍ବର: ନିର୍ବାଚନ ସଂସ୍କାର ଗୋଷ୍ଠୀ ADR ରିପୋର୍ଟ ଅନୁଯାୟୀ ୨୦୧୯-୨୦ ଆର୍ଥିକ ବର୍ଷରେ ବିଜେପି ଦେଶରେ ସବୁଠାରୁ ଧନୀ ରାଜନୈତିକ ଦଳ । ବିଜେପିର ସମ୍ପତ୍ତି ଠାରୁ ଅନ୍ୟ ସବୁ ରାଜନୀତିକ ଦଳ ଗୁଡିକ ଯଥେଷ୍ଟ ପଛରେ ରହିଛନ୍ତି। ମାୟାବତୀଙ୍କ ବହୁଜନ ସମାଜବାଦୀ ପାର୍ଟି ବିଏସପି ତାଲିକାର ଦ୍ବିତୀୟ ସ୍ଥାନରେ ରହିଛି।
ଦେଶର ସର୍ବପୁରାତନ ଦଳ କଂଗ୍ରେସର ଧନୀ ତାଲିକାର ତୃତୀୟ ସ୍ଥାନକୁ ଖସି ଯାଇଛି। ୨୦୧୯-୨୦ ଆର୍ଥିକ ବର୍ଷରେ ବିଜେପିର ମୋଟ ସମ୍ପତ୍ତିର ମୂଲ୍ୟ ୪ ହଜାର ୮୪୭.୭୮ କୋଟି ଟଙ୍କା ରହିଛି। ଏହା ପଛକୁ ବିଏସପିର ସମ୍ପତ୍ତିର ମୂଲ୍ୟ ୬୯୮.୩୩ କୋଟି ଓ କଂଗ୍ରେସ ୫୮୮.୧୬ କୋଟି ଟଙ୍କାର ସମ୍ପତ୍ତି ସହ ତୃତୀୟ ସ୍ଥାନରେ ରହିଛି।
ଏହାକୁ ନେଇ ବିଜେପିକୁ ସମାଲୋଚନା କରିଛନ୍ତି କଂଗ୍ରେସ ବିଧାୟକ ସୁର ରାଉତରାୟ । ଦୂର୍ନୀତି କରି ବିଜେପି ଓ ପ୍ରଧାନମନ୍ତ୍ରୀ ଏହି ଟଙ୍କା ଲୁଟ କରିଛନ୍ତି । ଦେଶର ସମ୍ପତ୍ତି ବିଜେପି ବିକ୍ରି କରି ନିଜ ଖାତାକୁ ନେଇଛି । ଯାହା ନିନ୍ଦନୀୟ । ବିଜେଡିକୁ ମଧ୍ୟ ସମାଲୋଚନା କରି ସୁର କହିଛନ୍ତି କରୋନା ସମୟରେ ଟିକାକରଣ ଓ ଚିକିତ୍ସା ଯୋଗାଇବାରେ ଦଳ ଫେଲ ମାରିଛି । ହେଲେ ଲୋକଙ୍କୁ ଠକି ୧୨୮ କୋଟି ବିଜେଡି ଠୁଳ କରିଛି।
ଉଭୟ ବିଜେପି ଓ ବିଜେଡି ଲୋକଙ୍କୁ ଠକି ଏଭଳି ସମ୍ପତି ରଖିଥିବା ବେଳେ ୧୪୦ ବର୍ଷର କଂଗ୍ରେସ ଦଳ ଆଦର୍ଶ ଦଳ ଆଉ ଦେଶର ସ୍ବାଧୀନତା ଆଣିଛି ବୋଲି କହିଛନ୍ତି ସୁର ରାଉତ ରାୟ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
