ଭୁବନେଶ୍ବର: ବ୍ରଜରାଜନଗର ଉପ-ନିର୍ବାଚନ ନେଇ କଂଗ୍ରେସର ପ୍ରସ୍ତୁତି ଉପରେ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ସୂଚନା । ନିରଞ୍ଜନ କହିଛନ୍ତି ଉପ-ନିର୍ବାଚନ ଦଳର 3 ଜଣ ଆଶାୟୀ ପିସିସିକୁ ପତ୍ର ଲେଖିଛନ୍ତି । ଚିଠି ଲେଖିଥିବା 3 ଆଶାୟୀ ପ୍ରାର୍ଥୀ ହେଉଛନ୍ତି ପ୍ରମୋଦ ପ୍ରଧାନ, ଜୀବନ ସାର୍ଥକ ଦାସ ଓ ସୁବ୍ରତ ପ୍ରଧାନ । କିନ୍ତୁ ଦଳ ପକ୍ଷରୁ ନିକଟସ୍ତ ତିନି ଜିଲ୍ଲା ସଭାପତି ଓ ଜଣେ ରାଜ୍ୟ କାର୍ଯ୍ୟକାରୀ ସଭାପତିଙ୍କୁ ଉପ-ନିର୍ବାଚନ ପାଇଁ ଦାୟିତ୍ଵ ଦିଆଯାଇଛି ।
ଏହି କମିଟି ବ୍ରଜରାଜ ନଗର ଯାଇ ତୃଣମୂଳସ୍ତରରେ ଆଲୋଚାନ କରିବେ । ରିପୋର୍ଟ ପ୍ରଦାନ କରିବେ । କିଶୋର ପଟେଲଙ୍କୁ ମଧ୍ୟ ଦଳ ଗୁରୁତ୍ଵ ଦେବ । ଯାହାକୁ ଦଳ ପକ୍ଷରୁ ପ୍ରାର୍ଥୀ କରାଯିବ ସମସ୍ତେ ତାଙ୍କୁ ନେଇ ଉପ-ନିର୍ବାଚନ ମୈଦାନକୁ ଓହ୍ଲାଇବେ ବୋଲି ନିରଞ୍ଜନ କହିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
