ଭୁବନେଶ୍ବର: 2007 ମସିହାରୁ ନୟାଗଡ ଜିଲ୍ଲାର ସରଣକୂଳ ଥାନା ଅନ୍ତର୍ଗତ ପୋଟରମ ଖଲି ପାଟଣା ଗାଁରେ କାଙ୍ଗାରୁ କୋର୍ଟ ଯୋଗୁଁ ଏବେ ବି 15 ପରିବାର ଗାଁ ବାହାରେ ଜୀବନ କାଟୁଛନ୍ତି । ଏପର୍ଯ୍ୟନ୍ତ ଏ ଦିଗରେ ପ୍ରଶାସନ କୌଣସି ପ୍ରକାର ପଦକ୍ଷେପ ଗ୍ରହଣ କରିନାହିଁ । ବଂର ଏହି ଘଟଣାରେ ଦୋଷୀଙ୍କୁ ସହଯୋଗ କରୁଥିବା କଂଗ୍ରେସ ଅଭିଯୋଗ କରିଛି ।
ଏହି ସମ୍ବେଦନଶୀଳ ଘଟଣାର ଗୁରୁତ୍ୱକୁ ଦେଖି ରାଷ୍ଟ୍ରପତି ଭବନ, ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ , ରାଜ୍ୟପାଳଙ୍କ କାର୍ଯ୍ୟାଳୟ , ସିବିଆଇ ଓ ଡିଜିଙ୍କ ଅଫିସରୁ ନିର୍ଦ୍ଦେଶ ଆସିଥିବା ବେଳେ ଏହାକୁ ଚପାଇ ରଖିଛନ୍ତି ରାଜ୍ୟ ସରକାର । ଏହି ଘଟଣା ସଂପର୍କରେ ବିଧାନସଭାରେ ଗୃହରାଜ୍ୟ ମନ୍ତ୍ରୀ ଉତ୍ତର ଦେଇ ଏବିଷୟରେ ମିଥ୍ୟା ତଥ୍ୟ ପ୍ରଦାନ କରିଥିବା କଂଗ୍ରେସ ଅଭିଯୋଗ କରିଛି ।
ଏହି ଘଟଣାରେ ନିର୍ବାସିତ ହୋଇ ଦୟନୀୟ ଜୀବନ କାଟୁଥିବା ଲୋକମାନେ ସରକାର ମିଛ କହୁଥିବା ଏବଂ ଏପର୍ଯ୍ୟନ୍ତ ସେମାନଙ୍କୁ ଫେରାଇ ଆଣିବା ପାଇଁ କୌଣସି ବ୍ୟବସ୍ଥା ହୋଇ ନଥିବା ସାଂଘାତିକ ଅଭିଯୋଗ କରିଛନ୍ତି ।
ତେଣୁ ବାରମ୍ବାର ଏହି ଘଟଣାରେ ସରକାରଙ୍କ ପକ୍ଷରୁ ଗୃହରାଜ୍ୟ ମନ୍ତ୍ରୀ ମିଛ କହୁଥିବାରୁ ତାଙ୍କୁ ମନ୍ତ୍ରୀମଣ୍ଡଳରୁ ବହିଷ୍କାର କରିବାକୁ କଂଗ୍ରେସ ସାମ୍ବାଦିକ ସମ୍ମିଳନୀ କରି ଦାବି କରିଛି ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
