ଭୁବନେଶ୍ବର: ବିଧାୟକଙ୍କ ଦରମା ବୃଦ୍ଧି ପ୍ରସଙ୍ଗ । ଏନେଇ ଆଜି ବାଚସ୍ପତି ଗଠନ କରିଛନ୍ତି ଏକ କମିଟି । ବରିଷ୍ଠ ବିଧାୟକ ଅମର ପ୍ରସାଦ ଶତପଥୀଙ୍କ ଅଧ୍ୟକ୍ଷତାରେ ଗଠିତ ହୋଇଛି କମିଟି । ଏଥିରେ କଂଗ୍ରେସ ଓ ବିଜେପିର ବିଧାୟକମାନେ ସଦସ୍ୟ ଅଛନ୍ତି । ଦରମା ଓ ଭତ୍ତା ବୃଦ୍ଧି ନେଇ କମିଟି ଅନୁଧ୍ୟାନ କରି ରିପୋର୍ଟ ଦେବ ବୋଲି ବାଚସ୍ପତି ଘୋଷଣା କରିଛନ୍ତି ।
ବିଧାନସଭାରେ ଗତ ଶନିବାର ଉଠିଥିଲା ବିଧାୟକଙ୍କ ଦରମା ପୂର୍ବତନ ବିଧାୟକଙ୍କ ଭତ୍ତା ବୃଦ୍ଧି ପ୍ରସଙ୍ଗ । ବିଧାନସଭାରେ ପ୍ରସଙ୍ଗ ଉଠାଇ ବାଚସ୍ପତିଙ୍କ ଜରିଆରେ ସରକାରଙ୍କ ନିକଟରେ ଦାବି କରିଥିଲେ ବିଧାୟକ । ଏହା ସହ ପୂର୍ବତନ ବିଧାୟକ ମାନଙ୍କର ପେନସନ ରାଶି ବୃଦ୍ଧି କରିବାକୁ ଦାବି କରାଯାଇଥିଲା । ଦାବିକୁ ଶାସକ ଓ ବିରୋଧୀ ବିଧାୟକ ମାନେ ସମର୍ଥନ କରିଥିଲେ । ଶେଷ ଥର ପାଇଁ 2017 ସେପ୍ଟେମ୍ବର 13 ତାରିଖରେ ବିଧାୟକମାନଙ୍କ ଗସ୍ତ ଖର୍ଚ୍ଚ ଓ ଦରମା ବୃଦ୍ଧି ହୋଇଥିଲା ।
