ଭୁବନେଶ୍ବର: ଆହୁରି ୨ ଦିନ ରାଜ୍ୟରେ ଲାଗି ରହିବ କୋହଲା ପାଗ ସହ ଥଣ୍ଡା ପବନ। ଅନୁଗୁଳ, ସୋନପୁର, ବଲାଙ୍ଗୀର, ବୌଦ୍ଧ, ବାଲେଶ୍ବର, କଟକ,ଖୋର୍ଦ୍ଧା ଜିଲ୍ଲାରେ ଥଣ୍ଡା ପବନ ଆଉ ୪୮ ଘଣ୍ଟା ବହିବା ନେଇ ପୂର୍ବାନୁମାନ କରିଛି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ର। ପ୍ରାୟ ସ୍ଥାନରେ ୩ରୁ ୪ଡିଗ୍ରୀ ତାପମାତ୍ରା ସ୍ବାଭାବିକ ଠାରୁ କମ ରହିବ।
ଆସନ୍ତା ୫ ତାରିଖରେ ରାଜ୍ୟର ଅଧିକାଂଶ ସ୍ଥାନରେ ପାଗ ଶୁଖିଲା ରହିବ। ରାଜ୍ୟରେ ଗତ ୨୪ ଘଣ୍ଟାରେ କେନ୍ଦୁଝର,ସୋନପୁର, ଅନୁଗୁଳ,ଟିଟିଲାଗଡ଼, ଦାରିଙ୍ଗିବାଡି ଏବଂ ଫୁଲବାଣୀ ଜିଲ୍ଲାରେ ତାପମାତ୍ରା ୧୦ ଡିଗ୍ରୀରୁ କମ ରେକର୍ଡ କରାଯାଇଛି।
ଗତକାଲି ସୋନପୁର ଜିଲ୍ଲାରେ ସର୍ବନିମ୍ନ ୭.୪ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି। ଏହାସହ ଭୁବନେଶ୍ବରରେ ସର୍ବନିମ୍ନ ୧୨ ଡିଗ୍ରୀ ତାପମାତ୍ରା ରେକର୍ଡ ହୋଇଛି। ଆସନ୍ତା ୧୫,୧୬ ଏବଂ ୧୭ ତାରିଖରେ ଉପକୂଳ ଓଡିଶାର ଜିଲ୍ଲା ଏବଂ କନ୍ଧମାଳ, କୋରାପୁଟ, ଅନୁଗୁଳ ଜିଲ୍ଲାରେ ସକାଳ ସମୟରେ ସ୍ବଳ୍ପ କୁହୁଡି ହେବାର ସମ୍ଭାବନା ରହିଛି ବୋଲି ଭୁବନେଶ୍ବର ଆଞ୍ଚଳିକ ପାଣିପାଗ କେନ୍ଦ୍ରର ନିର୍ଦ୍ଦେଶକ ହବିବୁର ରେହମାନ ବିଶ୍ବାସ କହିଛନ୍ତି।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ
