କଟକ: ଦୈନିକ ଖବର କାଗଜ ପ୍ରଜାତନ୍ତ୍ରର ୭୫ତମ ବାର୍ଷିକ ଉତ୍ସବରେ ଗୃହମନ୍ତ୍ରୀଙ୍କ ସହ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଜାତନ୍ତ୍ରକୁ ଶୁଭେଚ୍ଛା ଜଣାଇବା ସହ ଗଣତାନ୍ତ୍ରିକ ରାଷ୍ଟ୍ରର ବିକାଶ ଦିଗରେ ଗଣମାଧ୍ୟମର ପ୍ରମୁଖ ଭୂମିକା ବୁଝାଇଛନ୍ତି ମୁଖ୍ୟମନ୍ତ୍ରୀ । ସମାଜରେ ଶାନ୍ତି ପ୍ରତିଷ୍ଠା ସାଙ୍ଗକୁ ସାମ୍ପ୍ରଦୟିକ ସଦଭାବନା, ଜାତୀୟତା ଭାବ ଜାଗ୍ରତ କ୍ଷେତ୍ରରେ ଗଣମାଧ୍ୟମ କାମ କରୁ ବୋଲି ସେ କହିଛନ୍ତି ।
ପ୍ରଜାତନ୍ତ୍ରର ୭୫ତମ ବାର୍ଷିକ ଉତ୍ସବରେ ଗଣମାଧ୍ୟମକୁ ନେଇ ନବୀନ ପଟ୍ଟନାୟକ କହିଛନ୍ତି, "ଗଣତାନ୍ତ୍ରିକ ରାଷ୍ଟ୍ରର ବିକାଶ ଦିଗରେ ଗଣମାଧ୍ୟମର ପ୍ରମୁଖ ଭୂମିକା ରହିଛି । ସମାଜରେ ଶାନ୍ତି ପ୍ରତିଷ୍ଠା ସାଙ୍ଗକୁ ସାମ୍ପ୍ରଦୟିକ ସଦଭାବନା, ଜାତୀୟତା ଭାବ ଜାଗ୍ରତ କ୍ଷେତ୍ରରେ ଗଣମାଧ୍ୟମ କରିବା ଆବଶ୍ୟକ । ମିଡିଆ ବିନା ଡର ଭୟରେ କାମ କରିବା ଆବଶ୍ୟକ । ଲୋକଙ୍କ ବିଶ୍ବାସରେ ଗଣମାଧ୍ୟମର ପ୍ରତିଷ୍ଠା ଏଥିପାଇଁ ରାଜନୀତି ବଦଳରେ ଗଣମାଧ୍ୟମ ଲୋକଙ୍କ ସ୍ବାର୍ଥ ଦୃଷ୍ଟିରୁ କାର୍ଯ୍ୟ କରିବା ଦରକାର ।"
