ଭୁବନେଶ୍ବର: ସାରା ଦେଶରେ କୋରୋନାର ପ୍ରଭାବ ବଢି ଚାଲିଥିବାବେଳେ ରବିବାର କେନ୍ଦ୍ର ଗୃହମନ୍ତ୍ରୀ ଅମିତ ଶାହ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏନେଇ ସେ ଟ୍ବିଟ ଜରିଆରେ ସୂଚନା ଦେଇ ସୁସ୍ଥ ଥିବା ପ୍ରକାଶ କରିଥିଲେ । ସାଥୀରେ ତାଙ୍କ ସଂସ୍ପର୍ଶରେ ଆସିଥିବା ସମସ୍ତଙ୍କୁ କ୍ବାରେଣ୍ଟାଇନରେ ରହିବା ସହ ନିଜର ଟେଷ୍ଟ କରାଇବା ପାଇଁ ସେ ନିବେଦନ କରିଥିଲେ ।
ତେବେ ଗୃହମନ୍ତ୍ରୀଙ୍କ ଆରୋଗ୍ୟ କାମନା କରିଛନ୍ତି ରାଜ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏନେଇ ସେ ଟ୍ବିଟ ଯୋଗେ ତାଙ୍କର ଆରୋଗ୍ୟ କାମନା କରିଛନ୍ତି ।
ସେପଟେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଗୃହମନ୍ତ୍ରୀଙ୍କ ଆରୋଗ୍ୟ କାମନା କରିଛନ୍ତି । ଅଫିସିଆଲ ଭାବେ ଟ୍ବିଟ ଯୋଗେ ଗୃହମନ୍ତ୍ରୀଙ୍କ ଆଶୁ ଆରୋଗ୍ୟ କାମନା କରିଛନ୍ତି ।
