ଭୁବନେଶ୍ବର: ଉଦଘାଟନ ହେବ ‘ମୋ ବସ୍’ର ଦୁଇଟି ଡିପୋ । ଏହି ଦୁଇ ଅତ୍ୟାଧୁନିକ ଡିପୋକୁ ଆଜି(ଶୁକ୍ରବାର) ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦୁଇଟି ଅତ୍ୟାଧୁନିକ ଡିପୋରେ ବସ ରହିବା ସହ ତେଲ ପକାଇବା ଓ ମେସିନ୍ ଜରିଆରେ ପରିଷ୍କାର କରାଯିବା ଲାଗି ବ୍ୟବସ୍ଥା କରାଯାଇଛି ।
ଏହି ଡିପୋକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅପରାହ୍ନରେ ଉଦଘାଟନ କରିବେ । ଦୁଇଟି ଡିପୋ ଭୁବନେଶ୍ବରର ପଟିଆ ଓ ଅନ୍ୟଟି ଭଗବାନପୁର ନିକଟରେ ନିର୍ମାଣ କରାଯାଇଛି । 2 ବର୍ଷ ତଳୁ ଏହି ଦୁଇ ଡିପୋର କାମ ଆରମ୍ଭ ହୋଇଥିଲା । କୋଭିଡ଼ ପାଇଁ ଧାର୍ଯ୍ୟ ସମୟ ମଧ୍ୟରେ ନହୋଇ ବିଳମ୍ବରେ କାର୍ଯ୍ୟ ସମ୍ପୂର୍ଣ୍ଣ ହୋଇଛି । ଅଳ୍ପ ସମୟରେ ବସଗୁଡ଼ିକୁ କିପରି ଭଲଭାବରେ ସଫା କରାଯାଇପାରିବ ସେନେଇ ସ୍ୱତନ୍ତ୍ର ବ୍ୟବସ୍ଥା କରାଯାଇଛି ।
ଭୁବନେଶ୍ବରରୁ ଭାବାନୀ ଶଙ୍କର ଦାସ, ଇଟିଭି ଭାରତ
