ଭୁବନେଶ୍ବର: ଦୀର୍ଘ ଦେଢମାସ ପରେ ସଚିବାଳୟରେ ପହଞ୍ଚିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନିର୍ବାଚନ ଆଚରଣ ବିଧି ଲାଗୁ ହେବା ପର ଠାରୁ ସଚିବାଳୟ ଆସି ନଥିଲେ ମୁଖ୍ୟମନ୍ତ୍ରୀ । ଅନ୍ୟପକ୍ଷେ ଆଜି (ସୋମବାର) ସନ୍ଧ୍ୟାରେ ସେ ସମ୍ଭାବ୍ୟ 'ଫନୀ' ବାତ୍ୟାକୁ ଦୃଷ୍ଟିରେ ରଖି ନିଜ ବ୍ୟକ୍ତିଗତ ଗାଡିରେ ସଚିବାଳୟରେ ପହଞ୍ଚିଛନ୍ତି ଓ କନଫେରନସ ହଲରରେ ବାତ୍ୟା ମୁକାବିଲା ନେଇ ସମୀକ୍ଷା କରିଛନ୍ତି ।
ମୁଖ୍ୟ ଶାସନ ସଚିବ ଓ ସ୍ବତନ୍ତ୍ର ରିଲଫ କମିଶନରଙ୍କ ସହ ଏ ନେଇ ମୁଖ୍ୟମନ୍ତ୍ରୀ ଆଲୋଚନା କରିଛନ୍ତି । ସମ୍ଭାବ୍ୟ 'ଫନୀ' ବାତ୍ୟା ସମ୍ପର୍କରେ କିଭଳି ସତର୍କତାମୂଳକ ପଦକ୍ଷେପ ନିଆଯାଇଛି ସେ ସମ୍ପର୍କରେ ଆଲୋଚନା କରିବା ସହ ସ୍ବତନ୍ତ୍ର ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛନ୍ତି । ତେବେ ସମୀକ୍ଷା ପରେ ତୁରନ୍ତ ସଚିବାଳୟରୁ ବାହାରି ଯାଇଛନ୍ତି ମୁଖ୍ୟମନ୍ତ୍ରୀ ।
ଭୁବନେଶ୍ବରରୁ ତାପସ କୁୁମାର ପରିଡା, ଇଟିଭି ଭାରତ
