ଭୁବନେଶ୍ବର: ଖୋଲିବ ପାରାଦ୍ଵୀପ ଲାଞ୍ଚ ଷଡ଼ଯନ୍ତ୍ରର ଗୁମର । ଶିଳ୍ପପତି ମହିମା ମିଶ୍ରଙ୍କ ସାନ ପୁଅ ଚର୍ଚ୍ଚିତଙ୍କୁ କୋର୍ଟ ଚାଲାଣ ପରେ ୪ ଦିନିଆ ରିମାଣ୍ଡରେ ନେଇଛି ସିବିଆଇ । ଏଥିସହ ଅନ୍ୟ ୫ ଜଣ ଅଭିଯୁକ୍ତଙ୍କୁ ମଧ୍ୟ ରିମାଣ୍ଡରେ ନିଆଯାଇଛି ।
CBI ରିମାଣ୍ଡରେ ଚର୍ଚ୍ଚିତଙ୍କ ସମେତ 6 ଅଭିଯୁକ୍ତ
ରିମାଣ୍ଡ ଅବଧି ଆଜିଠାରୁ ଆରମ୍ଭ ହୋଇଥିବାବେଳେ ଆସନ୍ତା ୯ ତାରିଖରେ ଶେଷ ହେବ । ୧୦ ତାରିଖରେ ତାଙ୍କୁ କୋର୍ଟରେ ହାଜର କରାଯିବ ବୋଲି ମହିମା ମିଶ୍ରଙ୍କ ପରିବାରିକ ଓକିଲ ଜୟଦୀପ ପାଲ ସୂଚନା ଦେଇଛନ୍ତି । ସେ କହିଛନ୍ତି , "ତିନୋଟି ପିଟିସନ ଫାଇଲ କରାଯାଇଛି । ସ୍ବାସ୍ଥ୍ୟାବସ୍ଥା ଖରାପ ଥିବାରୁ ଘରଖାଦ୍ୟ ଏବଂ ଔଷଧ ଦେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି ।"
୪ ଦିନିଆ ରିମାଣ୍ଡରେ ୬ ଜଣ ଅଭିଯୁକ୍ତଙ୍କୁ ମାରାଥନ ଜେରା କରିବ ସିବିଆଇ । ଲାଞ୍ଚ କାରବାର ନେଇ ସାମ୍ନାସାମ୍ନି ପଚରାଉଚରା କରିବ । ପୂର୍ବରୁ ମହିମା ମିଶ୍ର ଓ ଚନ୍ଦନ ମିଶ୍ରକୁ ସିବିଆଇ ରିମାଣ୍ଡରେ ନେଇଥିଲା ।
ଇଟିଭି ଭାରତ, ଭୁବନେଶ୍ବର
