ଭୁବନେଶ୍ବର: ବିଜେଡି ବିଜେପି ଅଛି ଭିତିରି ସମ୍ପର୍କ ଥିବାନେଇ କହିଲେ ବିଧାୟକ ସୁର । ରାଜ୍ୟରେ ତେଜିଲା ଧାନ କିଣା ରାଜନୀତି । କେନ୍ଦ୍ର ଉପରେ ସବସିଡି ବକେୟା ପୈଠ ନେଇ ଦାବି ଜୋର୍ ଧରିଛି । ଏନେଇ ମଙ୍ଗଳବାର ଭୁବନେଶ୍ୱର ଏଫସିଆଇ(FCI) ଅଫିସ ଆଗରେ ବିଜେଡି ଧାରଣା ଦେବା ପରେ ଚୁପ ରହିନି କଂଗ୍ରେସ । ବିଜେପି ବିଜେଡି ଭାଇ ଭାଇ, ଉଭୟଙ୍କ ମଧ୍ୟରେ ଭିତିରି ସମ୍ପର୍କ ରହିଛି । ଜାଣିଶୁଣି ଏମିତି ହେଉଛନ୍ତି ବୋଲି କହିଛନ୍ତି ବରିଷ୍ଠ କଂଗ୍ରେସ ନେତା ସୁର ରାଉତରାୟ । ଏବେ ୩ ଲକ୍ଷ ମେଟ୍ରିକ ଟନ୍ ଚାଉଳ କେନ୍ଦ୍ର ଉପରେ ବାକି ପଡିଛି ।
୬୫୦୦ କୋଟି ସବସିଡ଼ି ବକେୟା ତୁରନ୍ତ ଦେବାକୁ ସୁର ଦାବି କରିଛନ୍ତି । ମଣ୍ଡି ଅବ୍ୟବସ୍ଥା, ଧାନର ଅଭାବୀ ବିକ୍ରି, ଟୋକନ ଅବ୍ୟବସ୍ଥା ନେଇ ଚାଷୀ ବହୁ ଅସୁବିଧାର ସମ୍ମୁଖୀନ ହେଉଛନ୍ତି । ହେଲେ ଉଭୟ ବିଜେଡି, ବିଜେପି ଚୁପ ବସିଛନ୍ତି । ମଙ୍ଗଳବାର ଭୁବନେଶ୍ୱର ଏଫସିଆଇ ଆଗରେ ବିଜେଡି ପକ୍ଷରୁ ଧାରଣା ପରେ ବିଜେପି ସାମ୍ବାଦିକ ସମ୍ମିଳନୀ କରି ବିଜେଡିକୁ ପାଲଟା ଆକ୍ରମଣ କରିଛି ।
ଭୁବନେଶ୍ବରରୁ ସଞ୍ଜୀବ କୁମାର ରାୟ, ଇଟିଭି ଭାରତ
