ଭୁବନେଶ୍ବର: 2020-21 ଆର୍ଥିକ ବର୍ଷ ପାଇଁ ଆରମ୍ଭ ହୋଇଛି ବଜେଟ ପ୍ରସ୍ତୁତି। ପୂର୍ବବର୍ଷ ଅର୍ଥାତ 2019- 20 ପାଇଁ ସଂଶୋଧିତ ବ୍ୟୟ ଆକଳନ ସମେତ 2020 21 ବର୍ଷ ବଜେଟ ପାଇଁ ପ୍ରସ୍ତାବ ମଗାଯାଇଛି।
ଅର୍ଥ ସଚିବ ଅଶୋକ କୁମାର ମୀନା ଏନେଇ ସବୁ ବିଭାଗୀୟ ସଚିବଙ୍କୁ ଚିଠି ଲେଖିଛନ୍ତି। ଆସନ୍ତା ଡିସେମ୍ବର21 ସୁଦ୍ଧା ପ୍ରସ୍ତାବ ଦେବାପାଇଁ ଚିଠିରେ ଉଲ୍ଲେଖ ରହିଛି। ପୂର୍ବରୁ ଏହି ସମୟ ସୀମା 15 ତାରିଖ ରହିଥିଲା। ତେବେ ପଞ୍ଚଦଶ ଅର୍ଥ କମିଶନଙ୍କ ଚୂଡାନ୍ତ ରିପୋର୍ଟ ବଦଳରେ ମଧ୍ୟବର୍ତ୍ତୀକାଳୀନ ରିପୋର୍ଟ ଆଧାରରେ ବଜେଟ ଆକଳନ ଧାର୍ଯ୍ୟ କରିବାକୁ କେନ୍ଦ୍ର ସରକାର ନିଷ୍ପତ୍ତି ନେଇଛନ୍ତି।
ତରବରିଆ ନହୋଇ ବିଭାଗକୁ ଆଉ 7 ଦିନ ସମୟ ଦିଆଯାଇଛି। ବିଭିନ୍ନ ଅଂଶୀଦାରଙ୍କ ସହିତ ଆଲୋଚନା କରି ବଜେଟ ବ୍ୟୟ ବରାଦ କରିବାକୁ ଅର୍ଥ ବିଭାଗ ଚିଠି ଲେଖିଛନ୍ତି।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
