ଭୁବନେଶ୍ବର: ଅଧା ରହିଗଲା ସ୍ତ୍ରୀର ଗାଁକୁ ଯିବାର ସ୍ବପ୍ନ । ସକାଳୁ ସକାଳୁ ଆଖି ସାମ୍ନାରେ ଦେଖିଲେ ରକ୍ତାକ୍ତ ଅବସ୍ଥାରେ ସ୍ବାମୀଙ୍କ ମୃତଦେହ । ମୁଣ୍ଡରୁ ରକ୍ତଶ୍ରାବ ହେଉଛି, ହାତ ଓ ଗୋଡ ଆଞ୍ଚୁଡି ହେବା ସହ ଭାଙ୍ଗିଯାଇଛି । ଏଭଳି ଅବସ୍ଥାରେ ଡିଷ୍ଟ୍ରିକ୍ଟ ସେଣ୍ଟର ଚନ୍ଦ୍ରଶେଖରପୁର ହାଉସିଂ ବୋର୍ଡ କଲୋନିରୁ ଜବତ ହୋଇଛି ସ୍ବାମୀଙ୍କ ମୃତଦେହ । ମୃତକ ହେଲେ ହାଉସିଂ ବୋର୍ଡ ଅଞ୍ଚଳର କେଶବ ସାହୁ । ସ୍ବାମୀଙ୍କ ମୃତ୍ୟୁ ପରେ ଥାନାରେ ଅଭିଯୋଗ କଲା ସ୍ତ୍ରୀ ।
ମହିଳାଙ୍କ ଅଭିଯୋଗ ଅନୁଯାୟୀ ଗାଁକୁ ଯିବା ପାଇଁ ଆଜି ସକାଳ ସମୟରେ ଉଭୟ ପ୍ରସ୍ତୁତ ହେଉଥିଲେ । ଏଥି ପାଇଁ ମୃତକଙ୍କ ସ୍ତ୍ରୀ ଡ୍ରେସ ଆଇରନ କରୁଥିବା ବେଳେ ହଠାତ ଜଣେ ସୁନା ଦେକାନି ଆସି ତାଙ୍କ ସ୍ବାମୀ ତଳେ ପଡିଥିବା କହିଥିଲେ । ଏହା ପରେ ତଳକୁ ଯିବା ପରେ ମହିଳା ଜଣଙ୍କ ରକ୍ତ ଜୁଡୁବୁଡୁ ଅବସ୍ଥାରେ ସ୍ବାମୀଙ୍କ ମୃତଦେହ ଦେଖି କେୟାର ହସ୍ପିଚାଲରେ ଭର୍ତ୍ତି କରିଥିଲେ । ସେଠାରେ ତାଙ୍କୁ ମୃତଘୋଷଣା କରିଥିଲେ ।
ଏନେଇ ମୃତକଙ୍କ ସ୍ତ୍ରୀ ଚନ୍ଦ୍ରଶେଖରପୁର ଥାନାରେ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ମୃତକ ଜଣଙ୍କ ଛାତ ଉପରୁ ତଳକୁ ଖସିଥାଇପାରନ୍ତି ନଚେତ ତାଙ୍କୁ କେହି ଠେଲି ଦେଇଥିବା ପୋଲିସ ସନ୍ଦେହ କରୁଛି । ଏପରି ଘଟଣା ପରେ ଏହା ଏକ ସୁ ଚିନ୍ତିତ ହତ୍ୟାକାଣ୍ଡ ନା ଦୁର୍ଘଟଣା ତାହା ଏବେ ପ୍ରଶ୍ନ ଘେରକୁ ଆସିଛି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
