ଭୁବନେଶ୍ବର: ରାଜଧାନୀରେ ପ୍ରଥମ ଡେଙ୍ଗୁ ମୃତ୍ୟୁକୁ ନେଇ କୌଣସି ଖବର ନାହିଁ । ଦୈନିକ ସର୍ଭିଲାନ୍ସ ଚାଲିଛି । ଗତକାଲି ସୁଦ୍ଧା ବିଏମସି ୪୫୦ ରୁ ଅଧିକ ଘରେ ସର୍ଭିଲାନ୍ସ କରିଛି । ରାଜଧାନୀରେ ବର୍ତ୍ତମାନ ପର୍ଯ୍ୟନ୍ତ ୩୯୧ କ୍ୟୁମୁଲେଟିଭ୍ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ତେବେ ଡେଙ୍ଗୁ ମୃତ୍ୟୁ ନେଇ ଖବର ପ୍ରସାରଣ ହେଉଥିବା ବେଳେ BMC ଏକ ମୃତକଙ୍କ ଘରକୁ ଯାଇଛି । ତଦନ୍ତ ପରେ ତାହା ଡେଙ୍ଗୁ ଜନିତ କି ନୁହେଁ ତାହା ସ୍ପଷ୍ଟ ହେବ ବୋଲି ସୂଚନା ଦେଇଛନ୍ତି BMC କମିଶନର ସଞ୍ଜୟ ସିଂ ।
ସେହିପରି ସଞ୍ଜୟ କହିଛନ୍ତି , ବିଶେଷ କରି ଭୁବନେଶ୍ବର ନର୍ଥ ଜୋନରେ ମୋଟ ୫୬ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ୱାର୍ଡ ନମ୍ବର ୧୪, ୧୭, ୭ ଓ ୪୨ରେ ଅଧିକ ଡେଙ୍ଗୁ ରୋଗୀ ଚିହ୍ନଟ ହେଉଛନ୍ତି । ଡେଙ୍ଗୁ ରୋଗୀ ମୃତ୍ୟୁ ଖବର ପ୍ରାସାରିତ ପରେ ବିଏମସିର ଟିମ ତାଙ୍କ ଘରକୁ ଯାଇଛି । ମୃତକ ଟେଷ୍ଟିଂ କେଉଁଠି ଓ କେଉଁଥିରେ କରିଥିଲେ, ଅନ୍ୟ କିଛି ସ୍ବାସ୍ଥ୍ୟଗତ ସମସ୍ୟା ଥିଲା କି ନାହିଁ ,ଏସବୁ ତଦନ୍ତ ଚାଲିଛି । ଆଜି ସଂଧ୍ୟା ସୁଦ୍ଧା ମୃତ୍ୟୁର କାରଣ ଡେଙ୍ଗୁ କି ନାହିଁ ତାହା ସ୍ପଷ୍ଟ ହୋଇଯିବ ବୋଲି କହିଛନ୍ତି ବିଏମସି କମିଶନର ।
ଭୁବନେଶ୍ବରରୁ ଦେବସ୍ମିତା ରାଉତଙ୍କ ସହ ଭବାନୀ ଶଙ୍କର ଦାସ, ଇଟିଭି ଭାରତ
