ଭୁବନେଶ୍ବର: ସମ୍ଭାବ୍ୟ ବାତ୍ୟା ମୁକାବିଲା ନେଇ BMC ପ୍ରସ୍ତୁତ ଥିବା କହିଲେ ଭୁବନେଶ୍ବର ମେୟର ସୁଲୋଚନା ଦାସ । ବାତ୍ଯା ମୁକାବିଲା ନେଇ ସହରର ୩୧ଟି ସ୍ଥାନ ଜଳମଗ୍ନ ହେବାନେଇ ଚିହ୍ନଟ କରାଯାଇଛି । ଚିହ୍ନଟ ସ୍ଥାନଗୁଡିକରେ ଜଳ ନିଷ୍କାସନ ପାଇଁ ପମ୍ପସେଟ୍ ମହଜୁଦ ରଖାଯାଇଛି । ଏହାସହ ସହରର ବିଭିନ୍ନ ସ୍କୁଲ ଓ କମ୍ଯୁନିଟ ସେଣ୍ଟରେକୁ ବାତ୍ୟା ଆଶ୍ରୟସ୍ଥଳୀ ଭାବେ ବ୍ୟବହାର କରାଯିବ ବୋଲି ମେୟର କହିଛନ୍ତି ।
ସେହିପରି ଆବଶ୍ୟକ ପଡ଼ିଲେ ଅସୁବିଧାରେ ଥିବା ଲୋକଙ୍କୁ ନିରାପଦ ସ୍ଥାନକୁ ସ୍ଥାନାନ୍ତର କରାଯିବ । ଆଶ୍ରୟସ୍ଥଳୀ ଗୁଡିକରେ ଆବଶ୍ୟକୀୟ ସାମଗ୍ରୀ ସହ ଜେନେରେଟର ବ୍ୟବସ୍ଥା କରାଯିବ । ରାଜଧାନୀରେ ୭୨ଟି ବାତ୍ୟା ଆଶ୍ରୟସ୍ଥଳ ଚିହ୍ନଟ କରାଯାଇଛି । ଅବଶ୍ୟକ ସ୍ଥଳେ ଅଧିକ ଟ୍ରାକ୍ଟର ମହଜୁଦ ରଖାଯାଇଛି । ଅନ୍ୟପଟେ ବାତ୍ୟା ମୁକାବିଲା ପାଇଁ BMC କର୍ମଚାରୀଙ୍କ ଛୁଟି ବାତିଲ କରାଯାଇଛି । ବଡ ବଡ ଡ୍ରେନ ଓ ଜଳବନ୍ଦୀ ଓ ଅଳିଆ ସ୍ଥାନଗୁଡ଼ିକୁ ସଫା ପାଇଁ ଅଧିକରୁ ଅଧିକ କମର୍ଚାରୀ ମୁତୟନ ହେବେ ବୋଲି ମେୟର କହିଛନ୍ତି ।
ସେପଟେ କୋରୋନା ଟିକା ମହଜୁଦ ଥିବା ସ୍ଥାନରେ ୨୪ ଘଣ୍ଟିଆ ବିଦ୍ୟୁତ ଯୋଗାଇ ଦେବାର ପାଇଁ ବ୍ୟବସ୍ଥା କରାଯାଇଛି ।
ମୁଖ୍ୟତଃ ମୁକାବିଲା ପାଇଁ ଜିରୋ କାଜୁଆଲିଟି ଉପରେ ଧ୍ୟାନ ଦିଆଯିବ । ଏହାସହ ବ୍ୟାପକ ଶୁଖିଲା ଖାଦ୍ୟ, ପିଇବା ପାଣି ଔଷଧ ମହଜୁଦ ରଖାଯିବ । ସବୁ ବିଭାଗ ମଧ୍ୟରେ ସମନ୍ୱୟ ରଖିଯାଇ ପରିସ୍ଥିତିକୁ ସୁଚାରରୂପେ ପରିଚାଳନା କରାଯିବ ବୋଲି କହିଛନ୍ତି ଭୁବନେଶ୍ବର ମେୟର ସୁଲୋଚନା ଦାସ ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
