ଭୁବନେଶ୍ବର: ମାହାଙ୍ଗା ଡବଲ ମର୍ଡର ଘଟଣାରେ ରାଜରାସ୍ତାକୁ ଓହ୍ଲାଇଛି ବିଜେପି ଯୁବ ମୋର୍ଚ୍ଚା । କଟକ ଜିଲ୍ଲାର ବହୁଚର୍ଚ୍ଚିତ ମାହାଙ୍ଗା ଡବଲ ମର୍ଡର ଘଟଣାର ତଦନ୍ତରେ ଶାସକ ବିଜେଡି ମନ୍ତ୍ରୀ ପ୍ରତାପ ଜେନାଙ୍କୁ ଘଣ୍ଟ ଘୋଡାଉଥିବା ନେଇ ଅଭିଯୋଗ କରିଛି । ତାଙ୍କୁ ଖୋଦ ମୁଖ୍ୟମନ୍ତ୍ରୀ ସୁରକ୍ଷା ଦେଉଥିବା କହିଛି ବିଜେପି ଯୁବ ମୋର୍ଚ୍ଚା ।
ଆଉ ଏହି ଡବଲ ମର୍ଡର ଘଟଣାରେ ଥାନାରେ ୧୩ ଜଣଙ୍କ ନାଁରେ ଅଭିଯୋଗ ହୋଇଥିବା ବେଳେ ୧୨ ଜଣଙ୍କ ନାଁରେ ଦାଖଲ ହୋଇଥିଲା ଚାର୍ଜସିଟ୍ । ତେବେ ପଦର ଅପବ୍ୟବହାର କରିବା ସହ ତଦନ୍ତ ପ୍ରକ୍ରିୟାକୁ ପ୍ରଭାବିତ କରି ମନ୍ତ୍ରୀ ଜେନା ନିଜ ନାଁକୁ ଚାର୍ଜସିଟ୍ରୁ ବାଦ ଦେଇଛନ୍ତି ।
ଏହି ମାମଲାରେ ଭୁବନେଶ୍ବର ବିଜେପି ଯୁବ ମୋର୍ଚ୍ଚା ପକ୍ଷରୁ ବିଜେପି ନେତା ବାବୁ ସିଂଙ୍କ ନେତୃତ୍ବରେ ବହୁ ବିଜେପି ନେତା ଓ କର୍ମୀଙ୍କୁ ନେଇ ବିକ୍ଷୋଭ ପ୍ରଦର୍ଶନ କରିବା ସହ ମନ୍ତ୍ରୀ ପ୍ରତାପ ଜେନାଙ୍କ ଇସ୍ତଫା ଦାବି କରିଛନ୍ତି ।
ସେପଟେ ପାଲଟା ଅଭିଯୋଗ ଆଣିଛି ବିଡେପି ଯୁବ ମୋର୍ଚ୍ଚା ସେ କହିଛି କି ମୁଖ୍ୟମନ୍ତ୍ରୀଙ୍କ ହାତରେ ଆଛି ଗୃହ ବିଭାଗ ଦାୟିତ୍ବ । ଆଉ ମୁଖ୍ୟମନ୍ତ୍ରୀଙ୍କ ଜ୍ଞାତସାରରେ ଏ ସମସ୍ତ ଘଟଣା ଘଟିଥିବାରୁ ମୁଖ୍ୟମନ୍ତ୍ରୀ ମଧ୍ୟ ନୈତିକତା ଦୃଷ୍ଟିରୁ ଇସ୍ତଫା ଦେବା ଉଚିତ୍ ବୋଲି ଦଳ ଦାବି କରିଛି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
