ଭୁବନେଶ୍ବର: ରାଜ୍ୟ ସମବାୟ ସମିତି ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ ପାଇ ସାରିଥିବା ବେଳେ ଦଳୀୟ ସମର୍ଥିତ ପ୍ରାର୍ଥୀଙ୍କୁ ଜିତାଇବାକୁ ଅଣ୍ଟା ଭିଡିଛି ଶାସକ BJD । ସେପଟେ ବିଜେପି କହିଛି ସମବାୟ ସିଟ ଦଖଲ କରିବାକୁ ଦଳ ପକ୍ଷରୁ ପ୍ରସ୍ତୁତି ଜାରି ରହିଛି । ଦଳର କୃଷକ ମୋର୍ଚ୍ଚା ସଭାପତି ପ୍ରଦୀପ ପୁରୋହିତ କହିଛନ୍ତି, "ବିଜେପିର ଯେଉଁ ସମବାୟ ପ୍ରକୋଷ୍ଠ ରହିଛି ସମସ୍ତ ବିଧାୟକ ମାନେ ଏହାକୁ ନେଇ ସକ୍ରିୟ ଅଛନ୍ତି । ବିଜେଡି ଯେଉଁ କମିଟି ଗଠନ କରିଛି ତାହା ଲୋକଦେଖାଣିଆ ।"
ସମବାୟ ନିର୍ବାଚନରେ ବିଜେପି ଭଲି କରିବ
ବିଜେଡି ସରକାରୀ ଦଳର କର୍ମଚାରୀଙ୍କୁ ଧରି କିପରି ନିର୍ବାଚନ ବୈତରଣୀ ପାର ହେବ ଏବଂ ସରକାରୀ କର୍ମଚାରୀ ମାନେ କିପରି ହସ୍ତକ୍ଷେପ କରି ବିଜେଡିକୁ ଜିତାଇବାରେ ରଣକୌଶଳ କରିସାରିଛନ୍ତି । ସେମାନେ ସରକାରୀ କଳକୁ ବ୍ୟବହାର କରି ଜିତିଛନ୍ତି । ସମବାୟ ଦୁର୍ନୀତି ଯାହା ହୋଇଛି ଲୋକମାନେ ଏଥିରେ ଅତିଷ୍ଟ ଅଛନ୍ତି ତେଣୁ BJP ଭଲ ପ୍ରଦର୍ଶନ କରିବ ବୋଲି ପ୍ରଦୀପ କହିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
