ଭୁବନେଶ୍ବର: ନାଗରିକତା ସଂଶୋଧନ ଆଇନ (ସିଏଏ) ଓ ରାଷ୍ଟ୍ରୀୟ ନାଗରିକତା ପଞ୍ଜିକା (ଏନଆରସି) ସହ ଏବେ ଆଉ ଏକ ବିବାଦ ଯୋଡି ହୋଇଯାଇଛି ଏନପିଆର(ଜାତୀୟ ଜନଗଣନା ରେଜିଷ୍ଟାର)। ଏନଆରସି, ଏନପିଆର ପ୍ରଥମ ସୋପାନ ବୋଲି ବିରୋଧୀ କେନ୍ଦ୍ରକୁ ଟାର୍ଗେଟ କରୁଛନ୍ତି। ଯାହାକୁ ନେଇ ବିଜେପି ଦେଶର 3କୋଟି ଘରକୁ ବୁଲି ବୁଲି ବୁଝାଇବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ।
କଂଗ୍ରେସ ଦେଶକୁ ଧୋକା ଦେଇଛି। ଏଥିସହ ଦେଶ ଭିତରେ ଉତ୍ତେଜନା ସୃଷ୍ଟି କରି ହିଂସା ସୃଷ୍ଟି କରୁଛି। ଯାହାକୁ ନେଇ ବିଜେପି ଦେଶର ପାଖାପାଖି 3 କୋଟି ଘରକୁ ଯିବ ବିଜେପି। ଏନଆରସି, ଏନପିଆର ଓ ସିଏଏ ବାବଦରେ ଲୋକଙ୍କୁ ବୁଝାଇବ। ଏଥିସହ ଦଳ ପକ୍ଷରୁ ବ୍ୟାପକ ଜନଜାଗରଣ ସୃଷ୍ଟି କରାଯାଇ ଗାଁ ଗାଁକୁ ପରିକ୍ରମା କରାଯିବ।
ଯେଉଁ ସଂଖ୍ୟାଲଘୁ ସମ୍ପ୍ରଦାୟର ଲୋକେ ପଡୋଶୀ ପାକିସ୍ତାନ, ଆଫଗାନିସ୍ତାନ, ବାଂଲାଦେଶରୁ ଆସିଥିବେ ସେମାନଙ୍କୁ କେଉଁଠି ରଖାଯିବ। ହିନ୍ଦୁ, ଶିଖ୍, ଖ୍ରୀଷ୍ଟିଆନ, ପାର୍ସି, ଜୈନ ଏବଂ ବୌଦ୍ଧ ସମ୍ପ୍ରଦାୟର ଲୋକଙ୍କ ସୁବିଧା ପାଇଁ ଏନଆରସି କରାଯାଉଛି। କଂଗ୍ରେସର କଳା କାରନାମା ଲୋକେ ଜାଣିସାରିଲେଣି ବୋଲି କେନ୍ଦ୍ରମନ୍ତ୍ରୀ କହିଛନ୍ତି।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ