ଭୁବନେଶ୍ବର: ବିଜେପିର ବିକ୍ଷୋଭ । ଏକାମ୍ର କାନନ ଏବଂ ଜଟଣୀର କିଛି ସ୍ଥାନକୁ ପ୍ଲଟ କରିବାକୁ ରାଜ୍ୟ ସରକାର ଏକ ନୋଟିଫିକେସନ ଜାରି କରିଛନ୍ତି । ଯାହାକୁ ବିଜେପି ପକ୍ଷରୁ ଘୋର ପ୍ରତିବାଦ କରାଯାଇଛି । ଏକାମ୍ର କାନନ ପାର୍କକୁ ସରକାର ବିକ୍ରି କରିବାକୁ ବସିଛନ୍ତି । ଏହା ମଧ୍ୟରେ ଥିବା ଶହ ଶହ ଗଛକୁ କଟା ଯାଉଛି । ଏହାକୁ ନେଇ ବୁଧବାର ଭୁବନେଶ୍ବର ରେଂଟାଲ କଲୋନୀ ସ୍ଥିତ ଏକାମ୍ର କାନନ ଫାର୍ମ ସମ୍ମୁଖରେ ବିଜେପି ପକ୍ଷରୁ ପ୍ରତିବାଦ କରାଯାଇଛି । ସୂଚନାଯୋଗ୍ୟ, ଏକାମ୍ର କାନନ ଏବଂ ଜଟଣୀର କିଛି ସ୍ଥାନକୁ ପ୍ଲଟ କରିବାକୁ ରାଜ୍ୟ ସରକାର ଏକ ନୋଟିଫିକେସନ ଜାରି କରିଛନ୍ତି ।
ସ୍ଥାନୀୟ ବିଜେପି ନେତାଙ୍କ କହିବା କଥା, ଏକାମ୍ର କାନନ ପାର୍କରେ ବିଜୁ ପଟ୍ଟନାୟକଙ୍କ ଠାରୁ ଆରମ୍ଭ କରି ସବୁ ମୁଖ୍ୟମନ୍ତ୍ରୀ ଗଛ ଲଗାଇଛନ୍ତି ଏବଂ ଏହା ସହରକୁ ପ୍ରଦୂଷଣ ମୁକ୍ତ କରିବାରେ ସାହାଯ୍ୟ କରେ । ସେଥିପାଇଁ ଆମେ ଏହା କରାଇଦେବୁ ନାହିଁ ବୋଲି ବିଜେପି ଭୁବନେଶ୍ବର ଶ୍ରୀକୃଷ୍ଣ ମଣ୍ଡଳ ସଭାପତି କହିଛନ୍ତି । ଏହା ରାଜ୍ୟ ସରକାରଙ୍କ ଏକ ଚକ୍ରାନ୍ତ ବୋଲି ସେ ଅଭିଯୋଗ କରିଛନ୍ତି ।
ଭୁବନେଶ୍ବରରୁ ସଞ୍ଜୟ କୁମାର ରାୟ, ଇଟିଭି ଭାରତ
