ଭୁବନେଶ୍ବର: ନୀଳାଚଳ ଇସ୍ପାତ ନିଗମ ଲିମିଟେଡରୁ ପୁଞ୍ଜି ପ୍ରତ୍ୟାହାର ପାଇଁ କେନ୍ଦ୍ର କ୍ୟାବିନେଟରେ ବୁଧବାର ନିଷ୍ପତ୍ତି ହୋଇଛି ।
ସୂଚନା ଅନୁସାରେ NINLରେ ଥିବା ୬ଟି ଅଂଶୀଦାରଙ୍କ ପୁଞ୍ଜି ପ୍ରତ୍ୟାହୃତ ହେବ। MMTC, ମେକନ ଆଦି ୬ଟି ଅଂଶୀଦାର ପୁଞ୍ଜି ପ୍ରତ୍ୟାହାର କରିବେ। ନିଲାମୀ ଜରିଆରେ ନୂଆ ଅଂଶୀଦାର NINLରେ ସାମିଲ ହେବେ। ଏହା ଦ୍ବାରା ନୀଳାଚଳ ଇସ୍ପାତର ରୂପ ବଦଳିବ ଓ ରୋଜଗାର ମଧ୍ୟ ବଢିବ ବୋଲି କେନ୍ଦ୍ର ସରକାର କହିଛନ୍ତି । ଏହାକୁ ନେଇ ବିରୋଧୀ ବିରୋଧ କରୁଥିବା ବେଳେ ରାଜ୍ୟ ବିଜେପି ପକ୍ଷରୁ ନିଷ୍ପତ୍ତି ସଂପର୍କରେ ସ୍ପଷ୍ଟୀକରଣ ଦିଆଯାଇଛି ।
ଦଳୀୟ କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଉପସଭାପତି ସମୀର ମହାନ୍ତି ଏସଂପର୍କରେ କହିଛନ୍ତି । କେନ୍ଦ୍ର ସରକାରଙ୍କ ନିଷ୍ପତ୍ତି ଉଭୟ କର୍ମଚାରୀ ଓ ସଂସ୍ଥା ପାଇଁ ଫାଇଦା ହେବ । ଶହ ଶହ କର୍ମଚାରୀ ନିଜ ଚାକିରୀକୁ ନେଇ ଆଶା ଆଶଙ୍କାରେ ରହିଥିଲେ। ଏବେ ସେସବୁ ଦୂର ହେବ ବୋଲି ସେ କହିଛନ୍ତି ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ