ଭୁବନେଶ୍ବର: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଦଳ ମଧ୍ୟରେ ତାତି ଜୋର୍ ଧରିଛି । ତେବେ ଏହି ନିର୍ବାଚନ ପୂର୍ବରୁ ସରଂକ୍ଷଣ ତାଲିକାରେ ତ୍ରୁଟିକୁ ନେଇ ବିଜେପି ଓବିସି ମୋର୍ଚ୍ଚାର ସଭାପତି ସୁରଥ ବିଶ୍ଵାଳଙ୍କ ନେତୃତ୍ବରେ ଏକ ଟିମ ଆଜି(ଶୁକ୍ରବାର) ରାଜ୍ୟ ନିର୍ବାଚନ କମିଶନଙ୍କୁ ଭେଟିଛନ୍ତି ।
ଏଥିରେ ପଛୁଆବର୍ଗଙ୍କ ପାଇଁ ସରଂକ୍ଷଣ ବ୍ୟବସ୍ଥାରେ ସଂଶୋଧନ କରିବାକୁ ଦାବି କରିଛନ୍ତି । ତେବେ ବିଗତ ଦିନ ମାନଙ୍କରେ ପଛୁଆବର୍ଗଙ୍କ ପାଇଁ ପଞ୍ଚାୟତ ଓ ପୌର ନିର୍ବାଚନରେ 27 ପ୍ରତିଶତ ସଂରକ୍ଷଣ ଥିବାବେଳେ ଚଳିତ ନିର୍ବାଚନରେ ପଛୁଆବର୍ଗଙ୍କ ପାଇଁ କେତେ ପ୍ରତିଶତ ସଂରକ୍ଷଣ ଦିଆଯିବ ସେ ସମ୍ପର୍କରେ ରାଜ୍ୟ ସରକାର ସଂଶୋଧିତ ଆଇନ ଓ ନିର୍ଦ୍ଦେଶାନାମାରେ କୌଣସି ସ୍ପଷ୍ଟତା ନାହିଁ ବୋଲି ପ୍ରଶ୍ନ ଉଠାଇଛି ବିଜେପି ।
ସେପଟେ ସଂରକ୍ଷଣ ତାଲିକାରେ ସ୍ଥାନ ପାଇବା ପଛୁଆବର୍ଗଙ୍କ ସାମ୍ବିଧାନିକ ଅଧିକାର । ଏହି କଥାକୁ ରାଜ୍ୟ ସରକାର ଅଣଦେଖା କରିଥିବା ନେଇ କହିଛନ୍ତି ବିଜେପି ଓବିସି ମୋର୍ଚାର ସଭାପତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
