ଭୁବନେଶ୍ବର : ଡେଲାଙ୍ଗ ଆଇଆଇସି ବିରୋଧରେ ନିର୍ବାଚନ କମିଶନକୁ ଗଲା ବିଜେପି । ଡେଲାଙ୍ଗ ଆଇଆଇସି ଯେଉଁ ଭଳି ଭାବରେ ଶାସନକଳକୁ ବ୍ୟବହାର କରି ବିଜେଡିର କାମ କରୁଛି ତାହାକୁ ବିରୋଧ କରିଛି ବିଜେପି । ଏହା ପୂର୍ବରୁ ମଧ୍ୟ ତାଙ୍କ ବିରୋଧରେ ଅଭିଯୋଗ କରିଥିଲା ବିଜେପି ।
ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର କହିଛନ୍ତି ଯେ ପିପିଲି ଉପନିର୍ବାଚନ ପ୍ରଚାରବେଳେ ଡେଲାଙ୍ଗ ଆଇଆଇସି ବିଜେଡି ସପକ୍ଷରେ କାମ କରିବା ଆମେ ଦେଖିଥିଲୁ। ଆଜି ଆମେ ମୁଖ୍ୟ ନିର୍ବାଚନ ଅଧିକାରୀଙ୍କ ପାଖକୁ ଆସିଥିଲୁ ଏ ବିଷୟରେ ଆଉ ଥରେ ଅବଗତ କରିବା ପାଇଁ ଆସିଛୁ । ମୁଖ୍ୟ ପ୍ରସଙ୍ଗ ରହିଥିଲା ଡେଲାଙ୍ଗ ଆଇଆଇସି ଯେଉଁ ଭଳି ଭାବରେ ଶାସନକଳକୁ ବ୍ୟବହାର କରି ଆଣ୍ଟି ବିଜେପି କାମ କରୁଛି। ଆଗରୁ ମଧ୍ୟ ଏ ସମ୍ପର୍କରେ ନିର୍ବାଚନ ଆୟୋଗଙ୍କ ଅବଗତ କରାଇଥିଲୁ। ଆଜି ଆମେ CEO ଙ୍କୁ ଦେଖା କରି ଏହି ବିଷୟରେ ଅବଗତ କରି ଏହା ଉପରେ କାର୍ଯ୍ୟାନୁଷ୍ଠନ ପାଇଁ ଅନୁରୋଧ କରିଛୁ।
ସୂଚନାଥାଉକି ଏପ୍ରିଲ୍ ୧୪, ୨୦୨୧ ରେ ଡେଲାଙ୍ଗ ଆଇଆଇସିଙ୍କୁ ବଦଳି କରାଯାଇଛି । ତାଙ୍କୁ STF ଡିପାର୍ଟମେଣ୍ଟକୁ ବଦଳି କରାଯାଇଛି କିନ୍ତୁ ଆଜି ପର୍ଯ୍ୟନ୍ତ କଣ ପାଇଁ ରାଜ୍ୟ ସରକାର ତାଙ୍କୁ ରଖିଛନ୍ତି। ଆସନ୍ତା ୩୦ ତାରିଖରେ ପିପିଲିରେ ଅନୁଷ୍ଠିତ ହେବ ଉପନିର୍ବାଚନ । ଏହାପରେ ଅକ୍ଟୋବର ୩ ତାରିଖରେ ଫଳାଫଳ ଘୋଷଣା କରାଯିବ । କୋରୋନା କଟକଣା ମଧ୍ୟରେ ମତଦାନ ପ୍ରକ୍ରିୟା କରିବା ପାଇଁ ନିର୍ବାଚନ କମିସନ ଗାଇଡଲାଇନ ଜାରୀ କରିଛନ୍ତି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
