ଭୁବନେଶ୍ବର: ରାଜ୍ୟ ସମବାୟ ସମିତି ନିର୍ବାଚନ ପ୍ରସଙ୍ଗ । ଏ ନେଇ ପ୍ରତିକ୍ରିୟା ରଖିଛନ୍ତି ବିଜେପି ସାଧାରଣ ସମ୍ପାଦକ ପୃଥ୍ବୀରାଜ ହରିଚନ୍ଦନ । ଏହି ନିର୍ବାଚନ କ୍ଷେତ୍ରରେ ଅନେକ ଗୁଡିଏ ଅନିୟମିତତା ରାଜ୍ୟ ସରକାର କରିଛନ୍ତି । ଏଥିଲାଗି ସରକାରୀ ଦଳର ସମର୍ଥିତ ଯେଉଁ ନିର୍ଦ୍ଦେଶକ ମାନେ ନିର୍ବାଚନ ଲଢ଼ୁଛନ୍ତି ତାଙ୍କ ବିରୁଦ୍ଧରେ ଭୋଟ ପଡ଼ିବ । ତେଣୁ ଏହି ଫଳାଫଳ ନିଶ୍ଚିତ ଭାବେ ସରକାରଙ୍କ ବିରୁଦ୍ଧରେ ଯିବ ବୋଲି ସେ ଦୃଢୋକ୍ତି ପ୍ରକାଶ କରିଛନ୍ତି ।
ଏ ନେଇ ପୃଥ୍ବୀରାଜ କହିଛନ୍ତି ଯେ, " ଏହି ନିର୍ବାଚନ କ୍ଷେତ୍ରରେ ଅନେକ ଗୁଡିଏ ଅନିୟମିତତା ରାଜ୍ୟ ସରକାର କରିଛନ୍ତି । ସେଥିରୁ କିଛି ଘଟଣା କୋର୍ଟ ଯାଏଁ ବି ଯାଇଛି । ଅନେକ ସ୍ଥାନରେ ସେକ୍ରେଟାରୀ ମାନଙ୍କର ବାପା ମାଆ ନୋମିନେସନ କରିଛନ୍ତି । ସ୍କ୍ରୁଟିନ ଏବଂ ନୋମିନେସନ ଯାଞ୍ଚ କରିବା କ୍ଷେତ୍ରରେ ଅନେକ ଗୁଡିଏ ଅନିୟମିତତା କରି ଜିତିବା ପାଇଁ ସରକାରୀ ଦଳ ଯୋଜନା କରିଛି । "
ସେ ଆହୁରି କହିଛନ୍ତି ଯେ, "ଏହା ସତ୍ତ୍ବେ ବି ଅନେକ ଜାଗାରେ ସମବାୟ ବିଭାଗ ଏବଂ ସମବାୟ ଆନ୍ଦୋଳନକୁ ଧ୍ବଂସ କରିବା ପାଇଁ ଷଡ଼ଯନ୍ତ୍ର କରିଛନ୍ତି । ସେଭଳି ସ୍ଥିତିରୁ ଲୋକେ ଉଦ୍ଧାରିବାକୁ ଚାହୁଁଛନ୍ତି । ଏଥିରୁ ଲାଗୁଛି ସରକାରୀ ଦଳର ସମର୍ଥିତ ଯେଉଁ ନିର୍ଦ୍ଦେଶକ ମାନେ ନିର୍ବାଚନ ଲଢ଼ୁଛନ୍ତି ତାଙ୍କ ବିରୁଦ୍ଧରେ ସେମାନେ ଭୋଟ ଦେବେ । ତେଣୁ ଏହି ଫଳାଫଳ ନିଶ୍ଚିତ ଭାବେ ସରକାରଙ୍କ ବିରୁଦ୍ଧରେ ଯିବ ।"
ଇଟିଭି ଭାରତ, ଭୁବନେଶ୍ବର
