କଟକ: ଡିଜିଙ୍କୁ ଭେଟିଲା ରାଜ୍ୟ ବିଜେପି । ଦେବଗଡ ବିଧାୟକଙ୍କ ଗିରଫଦାରୀକୁ ନେଇ ବିଜେପିର ୧୨ ଜଣ ବିଧାୟକ କଟକ ପୋଲିସ ମୁଖ୍ୟାଳୟରେ ପୋଲିସ ଡ଼ିଜି ସୁନୀଲ ଵଂଶଲଙ୍କୁ ଭେଟିବା ସହ ଘଟଣାର ନିରପେକ୍ଷ ତଦନ୍ତ ପାଇଁ ଦାବି କରିଛନ୍ତି । ସୁବାସ ପାଣିଗ୍ରାହୀ ଯେଉଁ ଏଫଆଇଆର ଦେଇଛନ୍ତି, ସେ ଅଭିଯୋଗର ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି ରଖିଛନ୍ତି ବିଧାୟକ ।
ଦେବଗଡ଼ ବିଧାୟକ ଗିରଫ ପ୍ରସଙ୍ଗ: ଡିଜିଙ୍କୁ ଭେଟିଲେ ବିଜେପିର ସମସ୍ତ ବିଧାୟକ
ତେବେ ୨୪ ଘଣ୍ଟା ମଧ୍ୟରେ ଘଟଣାର ତଦନ୍ତ କରି ଓଡିଶା ପୋଲିସ ବିଡ଼ିଓଙ୍କୁ ଗିରଫ କରିବାକୁ ଦାବି ରଖିଛନ୍ତି ବିଧାୟକ ଦଳ । ସେହିପରି ଆଜି ବିଧାୟକଙ୍କ ଗିରଫ ପ୍ରସଙ୍ଗକୁ ବିରୋଧ କରି ଦେବଗଡରେ ବିଜେପି ୧୨ ଘଣ୍ଟିଆ ବନ୍ଦ କରିଥିଲା । ଏଥିସହ ଗତକାଲି ଦେବଗଡରେ ଥାନା ଆଗରେ ବିଜେପି ପକ୍ଷରୁ ରାତିରେ ଧାରଣା ଦିଆଯାଇଥିଲା ।
କଟକୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
