ଭୁବନେଶ୍ବର: ଆନନ୍ଦପୁର ପୂର୍ବତନ ବ୍ଲକ ଅଧ୍ୟକ୍ଷ ରାମଚନ୍ଦ୍ର ବେହେରାଙ୍କ ହତ୍ୟା ଘଟଣାକୁ ଦୃଢ଼ ନିନ୍ଦା କଲା ବିଜେପି । ଘଷିପୁରା ନିର୍ବାଚନ ମଣ୍ଡଳୀର ପୂର୍ବତନ ବିଧାୟକ ପ୍ରାର୍ଥୀଙ୍କ ହତ୍ୟା ପଛରେ ଦୁଇ ଜଣ ବିଜେଡି ନେତାଙ୍କ ସମ୍ପୃକ୍ତି ଥିବା ରହିଛି ବୋଲି ବିଜେପି ଉପସଭାପତି ସମୀର ମହାନ୍ତି ଅଭିଯୋଗ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସେହି ଅଞ୍ଚଳରେ ଜିଲ୍ଲା ପରିଷଦ ସଭ୍ୟା ନିବେଦିତା ପୃଷ୍ଟିଙ୍କ ସ୍ୱାମୀ ରଞ୍ଜିତ ପୃଷ୍ଟି ଓ ବିଜୁ ଯୁବ ବାହିନୀ ପଞ୍ଚାୟତ ସଭାପତି ସଞ୍ଜୀବ ପୃଷ୍ଟି ରାତିରେ ତାଙ୍କ ଘରେ ଖାଇବାକୁ ଡାକି ବିଭତ୍ସ ହତ୍ୟା କରିଛନ୍ତି । ତାହା ଅତ୍ୟନ୍ତ ନିନ୍ଦନୀୟ ବୋଲି ସମୀର ମହାନ୍ତି କହିଛନ୍ତି । ଏହାସହ ମନ୍ତ୍ରୀ ବଦ୍ରିନାରାୟଣ ପାତ୍ରଙ୍କ ପୁଅ ଦେବପ୍ରିୟ ପାତ୍ରଙ୍କ ସହ ହତ୍ୟାକାରୀ ସଞ୍ଜୀବ ପୃଷ୍ଟିଙ୍କର ଘନିଷ୍ଠ ସମ୍ପର୍କ ଥିବା ନେଇ ବିଜେପି ଅଭିଯୋଗ କରିଛି । ଏପରିକି ଏ ଘଟଣା ନେଇ ରାଜ୍ୟ ପୋଲିସ ମହାନିର୍ଦ୍ଦେଶକଙ୍କୁ ବିଜେପି ଭେଟିବ ବୋଲି ସମୀର ମହାନ୍ତି କହିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ନ୍ୟୁଜ
