ଭୁବନେଶ୍ବର: ପଞ୍ଚାୟତ ନିର୍ବାଚନ ନେଇ ଆସନ୍ତା 10 ତାରିଖରେ ସର୍ବଦଳୀୟ ବୈଠକ ଡାକିଛନ୍ତି ନିର୍ବାଚନ ଆୟୋଗ । ଏ ନେଇ ସମସ୍ତ ରାଜନୈତିକ ଦଳର ସଭାପତି/ ସାଧାରଣ ସମ୍ପାଦକଙ୍କୁ ଚିଠି ଲେଖାଯାଇଛି । ସବୁ ଦଳର ପ୍ରତିନିଧିଙ୍କ ସହ ଆଲୋଚନା ପରେ ତ୍ରିସ୍ତରୀୟ ପଞ୍ଚାୟତ ନେଇ ନିଷ୍ପତ୍ତି ନେବେ ନିର୍ବାଚନ ଆୟୋଗ । ବୈଠକରେ ସର୍ବ ଦଳୀୟ ନିଷ୍ପତ୍ତିକୁ ସ୍ୱାଗତ କରିବ ବୋଲି କହିଛି ବିଜେଡି ।
ପଞ୍ଚାୟତ ନିର୍ବାଚନ ନେଇ ବିଜେଡି ପ୍ରସ୍ତୁତ; ସର୍ବଦଳୀୟ ନିଷ୍ପତ୍ତିକୁ ସ୍ୱାଗତ କରିବ ଦଳ
ବିଜେଡି କହିଛି ଯେ, ପଞ୍ଚାୟତ ନିର୍ବାଚନ ନେଇ ନିର୍ବାଚନ ଆୟୋଗ ବୈଠକ ଡାକିଛନ୍ତି । ବିଜେଡି ବୈଠକରେ ସାମିଲ ହେବ । ପଞ୍ଚାୟତ ନିର୍ବାଚନ ନେଇ ମତ ରଖିବ । ବୈଠକରେ ସର୍ବ ଦଳୀୟ ନିଷ୍ପତ୍ତିକୁ ସ୍ୱାଗତ କରିବ ବୋଲି କହିଛି ବିଜେଡି । ସଂକ୍ରମଣ ବଢୁଥିବାରୁ ନିର୍ବାଚନ ଠିକ ସମୟରେ ହେବା ଆଶଙ୍କା ସୃଷ୍ଟି ହୋଇଛି । ହେଲେ ଯେକୌଣସି ସମୟରେ ନିର୍ବାଚନ ହେଲେ ବିଜେଡି ପ୍ରସ୍ତୁତ ଅଛି । ନିର୍ବାଚନ କଟକଣା ମଧ୍ୟରେ ହେଲେ ଭଲ ହେବ ବୋଲି ବିଜେଡି ବୈଠକରେ ମତ ରଖିବ ।
ଭୁବନେଶ୍ବରରୁ ଭବାନୀଶଙ୍କର ଦାସ, ଇଟିଭି ଭାରତ
