ଭୁବନେଶ୍ବର: ପଦଯାତ୍ରାରେ କେନ୍ଦ୍ର ଅବହେଳା କଥା ଭୁଲିଗଲା ବିଜେଡି । ପ୍ରତିବର୍ଷ ବିଶେଷ କରି ନିର୍ବାଚନୀ ବର୍ଷରେ କେନ୍ଦ୍ର ଅବହେଳାକୁ ମୁଖ୍ୟ ପ୍ରସଙ୍ଗ କରି ଲୋକଙ୍କ ନିକଟରେ ପହଞ୍ଚାଇବା ପାଇଁ ଦଳ ରଣନୀତି ପ୍ରସ୍ତୁତ କରିଥାଏ ।
କେନ୍ଦ୍ର ଅବହେଳା ଉଠାଇଲାନି ବିଜେଡି!
ଏବେ କିନ୍ତୁ ମୁଖିଆ ପୁରା ଚୁପ । ତୃଣମୂଳ ସ୍ତରର ନେତା ଓ କର୍ମୀ ଚାହିଁ ବସିଥିଲେ ମୁଖିଆ କ’ଣ ବାର୍ତା ଦେଉଛନ୍ତି । ତାହାରି ଉପରେ ଥିଲା ସମସ୍ତଙ୍କ ନଜର । ହେଲେ ସେପରି କିଛି ହେଲା ନାହିଁ। ଯେହେତୁ ନିର୍ବାଚନ ବର୍ଷ ଥିଲା ସେଥିପାଇଁ କେନ୍ଦ୍ର ଅବହେଳାକୁ ଢାଲ କରୁଥିଲା ବିଜେଡି ।
ନିର୍ବାଚନ ପରେ ଦଳ ତାର ଆଭିମୁଖ୍ୟ ବଦଳାଇଛି ବୋଲି ବିଜେଡି ଉପସଭାପତି ଦେବୀପ୍ରସାଦ ମିଶ୍ର କହିଛନ୍ତି । କିନ୍ତୁ ଦଳର ଆଭିମୁଖ୍ୟ ସମାନ ରହିଛି । ତେବେ ଆଇନଗତ ସମସ୍ୟା ପାଇଁ ଦଳ ଏହାକୁ ଉଠାଉ ନଥିବା କହିଛନ୍ତି ଦେବୀପ୍ରସାଦ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
