ଭୁବନେଶ୍ବର: ପୂର୍ବତନ ବିଜେଡି ନେତା ଅନୁପ ସାଏଙ୍କୁ ନେଇ ରାଜନୈତିକ ମହଲରେ ତୀବ୍ର ଆଲୋଡନ। ପରକୀୟାପ୍ରୀତି ଅଭିଯୋଗରେ ମହିଳା କଳ୍ପନା ଦାସ ଓ 14 ବର୍ଷର ଶିଶୁ କନ୍ୟା ବବଲିକୁ ହତ୍ୟା କରିଥିବା ନେଇ ସ୍ବିକାର କରିଛନ୍ତି ଅନୁପ । ଏହି ଘଟଣା ସାମ୍ନାକୁ ଆସିବା ପରେ ଜୋର ଧରିଛି ରାଜ୍ୟ ରାଜନୀତି ।
ବିଜେଡିର ବ୍ରଜରାଜନଗର ବିଧାୟକ କିଶୋର ମହାନ୍ତି କହିଛନ୍ତି, ଏହି ଘଟଣା ନେଇ ମୁଁ ପୂର୍ବରୁ ଜାଣିନଥିଲି। ଏବେ ଘଟଣା ସାମ୍ନାକୁ ଆସିବାରୁ ମୁଖ୍ୟମନ୍ତ୍ରୀ ତାଙ୍କୁ ଦଳରୁ ବିଦା କରିଛନ୍ତି । ଏଥିରେ କୌଣସି ରାଜନୈତିକ ଆକ୍ରୋଶ ନାହିଁ । କଂଗ୍ରେସ ଦଳର ସେ ବିଧାୟକ ଥିଲେ, ତେଣୁ କଂଗ୍ରେସ ଏନେଇ ଟିପ୍ପଣୀ ଦେବା ଠିକ ନୁହେଁ ବୋଲି କହିଛନ୍ତି କିଶୋର ।
ସେହିପରି ବିରୋଧୀ ଦଳର ଉପନେତା ବିଷ୍ଣୁ ସେଠି କହିଛନ୍ତି, ଝାରସୁଗୁଡା ବିଜେଡିର ଫାଟ ହେବାରୁ ତାଙ୍କୁ ହଟାଇବାକୁ ଏହା ଏକ ଷଡଯନ୍ତ୍ର। ଅନ୍ୟପଟେ କଂଗ୍ରେସ ନେତା ସନ୍ତୋଷ ସିଂ ସାଲୁଜା କହିଛନ୍ତି, ବିଜେଡିର ସାମିଲ କରିବା ପୂର୍ବରୁ ମୁଖ୍ୟମନ୍ତ୍ରୀ ତାଙ୍କ ରେକର୍ଡ ଦେଖିବା କଥା ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
