ଭୁବନେଶ୍ବର: ରାଜଧାନୀରେ ବାର୍ଡ ଫ୍ଲୁ ଆତଙ୍କ । ଓୟୁଏଟିରେ ବାର୍ଡ ଫ୍ଲୁ ରୋଗ ବ୍ୟାପିବା ଖବର ସାମ୍ନାକୁ ଆସିବା ପରେ ଚିକେନ୍ ବେପାରୀଙ୍କ ଉପରେ ଏହାର ପ୍ରଭାବ ପଡିଛି । ଏହାସହ ଲୋକଙ୍କ ମଧ୍ୟରେ ଏହାକୁ ନେଇ ଭୟ ଜାତ ହୋଇଛି ।
ବାର୍ଡ ଫ୍ଲୁ ଆତଙ୍କ: ଜାଣନ୍ତୁ କ'ଣ ରହିଛି ବେପାରୀଙ୍କ ପ୍ରତିକ୍ରିୟା...
ଓୟୁଏଟି ଠାରୁ ଏକ କିଲୋମିଟର ପରିଧି ମଧ୍ୟରେ ଥିବା ଚିକେନ ଓ ଅଣ୍ଡା ଦୋକାନ ଗୁଡିକ ବନ୍ଦ ରହିଥିବା ବେଳେ ହୋଟେଲ ଗୁଡିକରେ ଆମିଷ ଖାଦ୍ୟ ବନ୍ଦ ରହିଛି । ଅନ୍ୟପକ୍ଷେ ବେପାରୀଙ୍କୁ 2-3 ମାସ ଦୋକାନ ବନ୍ଦ ରଖିବାକୁ ମଧ୍ୟ ପରାମର୍ଶ ଦିଆଯାଇଛି । ହୋଟେଲ ଆସୁଥିବା ଅନେକ ଗ୍ରାହକ ଏ ବିଷୟରେ ଅବଗତ ନଥିବା ବେଳେ ଏହାକୁ ନେଇ ସତର୍କତା ଅବଲମ୍ବନ କରିବେ ବୋଲି କହିଛନ୍ତି ।
ଓୟୁଏଟି ବ୍ୟତୀତ ୟୁନିଟ-4, ୟୁନିଟ-8, ୟୁନିଟ-3 ଆଦି ଅଞ୍ଚଳରେ ଦୋକାନୀ କିମ୍ବା ଗ୍ରାହକଙ୍କ ଉପରେ ପ୍ରଭାବ ପଡିବା ନେଇ ବୁଧବାର ଜଣାପଡିପାରେ । କାରଣ ବୁଧବାର ଆମିଷ ବାର ହେଇଥିବାରୁ ଗ୍ରାହକଙ୍କ ଉପରେ ଏହାର ପ୍ରଭାବ ବିଷୟରେ ଜଣାପଡିବ ।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
