ଭୁବନେଶ୍ବର: ଚୋରିକରି 'ଧୁମ୍' ଫିଲ୍ମ ଷ୍ଟାଇଲରେ ଖସି ପଳାଇଥିବା ଦୁଇ ଅଭିଯୁକ୍ତଙ୍କୁ କାବୁ କରିଛନ୍ତି ଲୋକେ । ଚୋରି କରି ଥକା ମେଣ୍ଟାଇବାକୁ ହୋଟେଲରେ ବିଶ୍ରାମ ନେଉଥିବା ସମୟରେ ମାଡି ବସିଛନ୍ତି ଲୋକେ ।
ବାଇକ ଚୋରି କରି ହୋଟେଲ କରୁଥିଲେ ଭୋଜନ, ମାଡି ବସିଲେ ଲୋକେ
ସୂଚନା ଅନୁସାରେ ଲକ୍ଷ୍ମୀସାଗର ଥାନା ଅଞ୍ଚଳରୁ ବୁଧବାର ତୁଷାରକାନ୍ତ ନାମକ ଜଣେ ବ୍ୟକ୍ତିଙ୍କ ବାଇକ ଚୋରି ହୋଇଥିଲା । ଏନେଇ ସେ ଖୋଜା ଖୋଜି କରିଥିଲେ । ସିସିଟିଭି ଫୁଟେଜ ଆଧାରରେ ଅଭିଯୁକ୍ତ ଫଟୋ ପାଇଥିଲେ । ଭୁବନଶ୍ବର କଳ୍ପନା ମାଛ ମାର୍କେଟ ନିକଟସ୍ଥ ଏକ ହୋଟେଲ ବାହାରେ ଚୋରି ହୋଇଥିବା ବାଇକ୍ ରଖି ୨ ଜଣ ଖାଉଥିବା ନେଇ ତୁଷାରକାନ୍ତ ଖବର ପାଇଥିଲେ । ଏହାପରେ ସେ ତୁରନ୍ତ ସେଠାରେ ପହଞ୍ଚି ୨ ଜଣଙ୍କୁ କାବୁ କରି ପୋଲିସରେ ଜିମା ଦେଇଛନ୍ତି ।
ଏଥିସହ ତାଙ୍କ ଗାଡିକୁ ଚିହ୍ନଟ କରିବା ସହ ନମ୍ବର ପ୍ଲେଟ ବଦଳାଇ ଦେବା ସହ ଗାଡି ଭାଙ୍ଗି ଦେଇଥିବା ସେ ଅଭିଯୋଗ କରିଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
