ଭୁବନେଶ୍ବର: ନିରାଡ଼ମ୍ବରରେ ପାଳନ ହେଲା ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ 23 ତମ ଶ୍ରାଦ୍ଧ ଦିବସ । ଲକଡାଉନ ସମୟ ଅବଧିରେ କରାଯାଇଛି ଜୀବନ ବିନ୍ଦୁ କାର୍ଯ୍ୟକ୍ରମ । ବିଜେଡି କାର୍ଯ୍ୟାଳୟରେ ନିରାଡ଼ମ୍ବର ଭାବରେ ପାଳନ ହୋଇଛି ଶ୍ରାଦ୍ଧ ଦିବସ । ବିନ୍ଦୁ ସାଗରରେ ତିଳ ତର୍ପଣ କଲେ ଅଶୋକ ପଣ୍ଡା, ବିଧାୟକ ଅନନ୍ତ ଜେନା ଏଥିସହ ଦଳୀୟ କାର୍ଯ୍ୟାଳୟରେ ଜୀବନ ବିନ୍ଦୁ ରକ୍ତ ଦାନ ଶିବିର ଆୟୋଜନ କରାଯାଇ ।
ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ 23 ତମ ଶ୍ରଦ୍ଧା ଦିବସ ଅବସରରେ ଦଳୀୟ କାର୍ଯ୍ୟାଳୟରେ ଜୀବନ ବିନ୍ଦୁ ରକ୍ତଦାନ ଶିବିର ଆରମ୍ଭ ହୋଇଛି । ଏଥିରେ ବିଜେଡିର ବରିଷ୍ଠ ନେତା ଓ ବିଜୁଜନତା ଦଳର ଛାତ୍ର ନେତା ମାନେ ଅଂଶଗ୍ରହଣ କରିଛନ୍ତି । ଏହି ରକ୍ତଦାନ ଶିବିର ଲକଡାଉନ ସମୟରେ ରାଜ୍ୟରେ ରକ୍ତର ଅଭାବ ଦେଖାଯାଉଥିବାରୁ ଏହି ଶିବିର ଲକଡାଉନ ଥିବା ପର୍ଯ୍ୟନ୍ତ ଚାଲିବ । ରାଜ୍ୟର ଭୁବନେଶ୍ୱର ଦଳୀୟ କାର୍ଯ୍ୟାଳୟ ସହ ରାଜ୍ୟର 32ଟି ସାଙ୍ଗଠନିକ ଜିଲ୍ଲାରେ ଜୀବନ ବିନ୍ଦୁ ରକ୍ତଦାନ ଶିବିର କରାଯାଉଛି ବୋଲି କହିଛନ୍ତି ବିଜୁ ଛାତ୍ର ଜନତା ଦଳର ସଭାପତି ରାଣା ପ୍ରତାପ ପାତ୍ର ।
ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ
