ଭୁବନେଶ୍ବର: ରଥଯାତ୍ରା ସ୍ଥଗିତ କରିବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି ବରିଷ୍ଠ ବିଜେପି ନେତା ବିଜୟ ମହାପାତ୍ର । ସେ କହିଛନ୍ତି, ଗତକାଲି ଦିନଟି ସରକାରଙ୍କ ପାଇଁ ଚିରସ୍ମରଣୀୟ ହୋଇ ରହିବ । ଏହା ଇତିହାସରେ ରହିଯିବ ।’ ପଇସା ଖର୍ଚ୍ଚ କରି ସରକାର କାହିଁକି ନିଜ ଯୁକ୍ତି ରଖିପାରିଲେ ନାହିଁ ବୋଲି ସେ ପ୍ରଶ୍ନ କରିଛନ୍ତି ।
ରଥଯାତ୍ରା ପ୍ରସଙ୍ଗରେ ସରକାରଙ୍କ ଉପରେ ବର୍ଷିଲେ ବିଜୟ
ବିଜେପି ନେତା ବିଜୟ ମହାପାତ୍ର କହିଛନ୍ତି, ‘ସରକାର କଟକଣା ଭିତରେ ସ୍ନାନଯାତ୍ରା କଲେ, ସେବାୟତଙ୍କ କୋଭିଡ ଟେଷ୍ଟ କଲେ । ହେଲେ ଏକଥା କାହିଁକି କୋର୍ଟକୁ ଜଣେଇଲେ ନାହିଁ । ଏଥିପାଇଁ ସରକାର ସବୁବେଳେ ସନ୍ଦେହ ଘେରକୁ ଆସିବେ । ଏସବୁ ଗୋଟିଏ ଅଂଶ ହୋଇଥିବା ବେଳେ ବର୍ତ୍ତମାନ ମହାପ୍ରଭୁଙ୍କ ବାକି ଥିବା ନୀତିକାନ୍ତି କିପରି ସୁଚାରୁ ରୂପେ ସମ୍ପାଦିତ ହେବ ତାହା ଶୀଘ୍ର ନିଷ୍ପତି ନିଅନ୍ତୁ କାରଣ ଆଉ ହାତରେ ସମୟ ନାହିଁ ।’
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
