ଭୁବନେଶ୍ବର: ବିଜୁ ପଟ୍ଟନାୟକଙ୍କ 105 ତମ ଜୟନ୍ତୀ ଅବସରରେ ବିଜେଡି ଯୁବ ଓ ଛାତ୍ର ଜନତା ପକ୍ଷରୁ ହୋଇଥିବା ସାଇକେଲ ରାଲି ବିମାନବନ୍ଦରରେ ପହଞ୍ଚିଛି । କଟକ ଆନନ୍ଦ ଭବନ ଠାରୁ ସାଇକେଲ ରାଲି ବାହାରି ଥିବାବେଳେ ଏହା ବିମାନବନ୍ଦର ଛକରେ ପହଞ୍ଚିଛି ।
ବିଜୁ ଜୟନ୍ତୀ; ବିମାନବନ୍ଦରରେ ପହଞ୍ଚିଲା ସାଇକେଲ ରାଲି
ପରେ ଏଠାରେ ଥିବା ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତୀରେ ମାଲ୍ୟାର୍ପଣ କରାଯାଇଛି । ଏହି ସାଇକେଲ ରାଲିରେ ଦଳର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ, ଶକ୍ତିମନ୍ତ୍ରୀ ଦିବ୍ୟଶଙ୍କର ଦାସ, କୃଷି ମନ୍ତ୍ରୀ ଅରୁଣ ସାହୁ, ଯୁବ ସଭାପତି ବ୍ୟୋମକେଶ ରାୟ, ଛାତ୍ର ସଭାପତି ଦେବୀରଞ୍ଜନ ତ୍ରିପାଠୀଙ୍କ ସମେତ ଅନେକ ନେତା ଓ କର୍ମୀ ଯୋଗ ଦେଇଛନ୍ତି ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ
