ଦୁର୍ନୀତିକୁ ନେଇ ଛାତ୍ରଛାତ୍ରୀଙ୍କୁ ସଚେତନ କଲା ଭିଜିଲାନ୍ସ

ରାଜଧାନୀରେ ପାଳନ ହେଉଛି ଭିଜିଲାନ୍ସ ସପ୍ତାହ । ରାଜଧାନୀର ଛାତ୍ରଛାତ୍ରୀଙ୍କୁ ସଚେତନ କରୁଛନ୍ତି ଭିଜିଲାନ୍ସ ଅଫିସର୍ ।

ଭୁବନେଶ୍ବର: ଦୁର୍ନୀତି ସମାଜରେ ଏକ ବିରାଟ ଭୟ ସୃଷ୍ଟି କଲାଣି । ଏପରି ପରିସ୍ଥିତିରେ ଛାତ୍ରଛାତ୍ରୀମାନେ ଏ ବିଷୟରେ ସଚେତନତା ରହିବା ଆବଶ୍ୟକ । ଏନେଇ କ୍ୟାପିଟାଲ ହାଇସ୍କୁଲରେ ଛାତ୍ରଛାତ୍ରୀଙ୍କୁ ସଚେତନ କରିବା ପାଇଁ ଆୟୋଜିତ ହୋଇଛି କର୍ମଶାଳା । ଭିଜିଲାନ୍ସ ସପ୍ତାହ ଉପଲକ୍ଷେ ଛାତ୍ରଛାତ୍ରୀ ମାନଙ୍କୁ ଦୁର୍ନୀତି ଉପରେ ଶିକ୍ଷା ଦେଇଛନ୍ତି ଭିଜିଲାନ୍ସ ଏସପି ।

ଅକ୍ଟୋବର ୨୮ ରୁ ନଭେମ୍ବର ୨ ତାରିଖ ପର୍ଯ୍ୟନ୍ତ ପାଳନ କରାଯିବ ଭିଜିଲାନ୍ସ ସପ୍ତାହ । ବିଭିନ୍ନ ଶିକ୍ଷାନୁଷ୍ଠାନ ଛାତ୍ରଛାତ୍ରୀଙ୍କ ଏ ବିଷୟରେ ସଚେତନ କରାଯିବ। ସମାଜରେ ଦୁର୍ନୀତି ଦେଖିଲେ ଭିଜିଲାନ୍ସକୁ ଜଣାଇବାକୁ ଲୋକଙ୍କୁ ଅନୁରୋଧ କରାଯାଇଛି । ଏନେଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହା ଛଡା ବିଜେବି କଲେଜ ଓ ଅନ୍ୟ ଶିକ୍ଷାନୁଷ୍ଠାନରେ ଏହି ଭିଜିଲାନ୍ସ ପକ୍ଷରୁ ସଚେତନତା କରାଯିବ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ