ଭୁବନେଶ୍ବର: ଅନିର୍ଦ୍ଦିଷ୍ଟକାଳ ପାଇଁ ବନ୍ଦ ହେଲା ଭୁବନେଶ୍ବର ୟୁନିଟ-୨ ସ୍ଥିତ ମାର୍କେଟ ବିଲ୍ଡିଂ । ସ୍ଥାୟୀ ଓ ଅସ୍ଥାୟୀ ଉଠା ଦୋକାନୀଙ୍କ ମଧ୍ୟରେ ଗଣ୍ଡଗୋଳକୁ ନେଇ ଉତ୍ତେଜନା ଦେଖା ଦେଇଥିଲା । ଖବର ପାଇ କ୍ୟାପିଟାଲ ଥାନା ପୋଲିସ ଘଟଣାସ୍ଥଳରେ ପହଞ୍ଚିବା ପରେ ସ୍ଥିତି ନିୟନ୍ତ୍ରଣାଧୀନ ହୋଇଥିଲା । ଅସ୍ଥାୟୀ ଦୋକାନକୁ ଉଠାଇବାକୁ ନେଇ ଏହି ଗଣ୍ଡଗୋଳ ହୋଇଛି । ବିଏମସି ମାର୍କେଟ ବିଲ୍ଡିଂରେ ଥିବା ଅସ୍ଥାୟୀ ଦୋକାନ ହଟାଇବା ଲାଗି ନିର୍ଦ୍ଦେଶ ଦେଇଥିଲା ।
ମାତ୍ର ଅସ୍ଥାୟୀ ଦୋକାନ ଗୁଡ଼ିକ ନ ହଟିବା ପରେ ସ୍ଥାୟୀ ଦୋକାନୀ ସଂଘ ତାଙ୍କୁ ହଟିବା ପାଇଁ କହିଥିଲେ । ତେବେ ଅସ୍ଥାୟୀ ଦୋକାନ ବିରୋଧ କରିବାରୁ ମୁହାଁମୁହିଁ ସ୍ଥିତି ଉପୁଜିଥିଲା । ଠେଲା ପେଲା ହୋଇଥିବା ମଧ୍ୟ ଦେଖାଯାଇଛି । ଖବର ପାଇଁ ଘଟଣାସ୍ଥଳରେ ପହଞ୍ଚିଛି କ୍ୟାପିଟାଲ ଥାନା ପୋଲିସ । ମାର୍କେଟ ବିଲ୍ଡିଂ ଆସୋସିଏସନ ପକ୍ଷରୁ ଅନିର୍ଦ୍ଦିଷ୍ଟ କାଳ ଲାଗି ମାର୍କେଟକୁ ବନ୍ଦ ରଖାଯାଇଛି । ଅସ୍ଥାୟୀ ଦୋକାନ ହଟାଇବା ଲାଗି ପୂର୍ବରୁ ବିଏମସି ଅନେକ ଥର କହିଥିବା ଜଣାପଡ଼ିଛି ।
ଇଟିଭି ଭାରତ, ଭୁବନେଶ୍ବର
