ଭୁବନେଶ୍ବର: ଟ୍ରାଫିକ ନିୟମ ପାଳନ କରୁଥିବା ଲୋକଙ୍କୁ ଚକଲେଟ ଗିଫ୍ଟ । ଚାଲାଣ କାଟୁଥିବା ଟ୍ରାଫିକ ପୋଲିସ ଆଜି ଗାଡି ଚାଳକଙ୍କୁ ଦେଉଛନ୍ତି ଚକୋଲେଟ । ଲୋକଙ୍କୁ ଭୟଭୀତ ନକରାଇ ସଚେତନତାର ବାର୍ତ୍ତା ପହଞ୍ଚାଇବାକୁ ଏଭଳି ପ୍ରୟାସ କରିଛି କମିଶନରେଟ ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ଏଜି ଛକରେ ହେଲମେଟ ଓ ସିଟବେଲ୍ଟ ପିନ୍ଧିଥିବା ଗାଡି ଚାଳକଙ୍କୁ ଚକୋଲେଟ ଓ ଫୁଲତୋଡା ସହ ଥ୍ୟାଙ୍କ୍ୟୁ କାର୍ଡ ଦିଆଯାଉଛି । ଏଥିପାଇଁ ପୋଲିସ ସହ ସହଯୋଗ କରିଛନ୍ତି କିଛି ସାମାଜିକ କର୍ମୀ ଓ ବୁଦ୍ଧିଜୀବୀ । ତେବେ ଏଭଳି ଧନ୍ଯବାଦ ଦ୍ବାରା ପୋଲିସ ପ୍ରତି ଲୋକଙ୍କର ବିରୋଧ ବଦଳରେ ଭଲପାଇବା ବଢିବା ସହ ପୋଲିସ କିପରି ସାଧାରଣ ଲୋକଙ୍କ ନିକଟତର ହୋଇ ସୁରକ୍ଷାର ବାତାବରଣ ତିଆରି କରିପାରିବ, ଏନେଇ ପ୍ରୟାସ ଜାରି ରହିଛି ।
ଲୋକଙ୍କୁ ଭୟଭୀତ ତଥା ପ୍ରତିଶୋଧ ପରାୟଣ ନ ହୋଇ ଟ୍ରାଫିକ ନିୟମ ପାଳନ କରିବାକୁ ବାର୍ତ୍ତା ଦେଇଛନ୍ତି ଟ୍ରାଫିକ ଡିସିପି ସାଗରିକା ନାଥ ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
