ଭୁବନେଶ୍ବର : ରାତି ପାହିଲେ ଗଜାନନଙ୍କ ପୂଜା । ମୂର୍ତ୍ତି କିଣିବା ପାଇଁ ଦୋକାନରେ ଲାଗିଛି ଗ୍ରାହକଙ୍କ ଭିଡ । ଥାକ ଥାକ ହୋଇ ବିକ୍ରି ପାଇଁ ରଖାଯାଇଛି ବିଘ୍ନବିନାଶକଙ୍କ ରଙ୍ଗବେରଙ୍ଗର ମୂର୍ତ୍ତି । କୋରୋନା ପାଇଁ ଏଥର କଟକଣାରେ ହେବ ପୂଜା । କାହିଁକିନା ବିଏମସି ପକ୍ଷରୁ ସ୍ବତନ୍ତ୍ର ଗାଇଡଲାଇନ ଜାରି ହୋଇଛି । ମୂର୍ତ୍ତି ଗୁଡିକରେ ଉଚ୍ଚତା ୪ଫୁଟ ରଖିବାକୁ ନିର୍ଦ୍ଦେଶ ହୋଇଛି । ପେଣ୍ତାଲ ଗୁଡିକରେ ପୂଜା କରିବାକୁ ହେଲେ ନେବାକୁ ପଡିବ କମିଶନରେଟ ପୋଲିସର ଅନୁମତି । ସାଧାରଣ ଦର୍ଶନକୁ ବାରଣ ଥିବାବେଳେ ପ୍ରସାଦ ସେବନ ଉପରେ କଟକଣା ଲାଗିଛି । ସେପଟେ ପୂଜା ସମୟରେ ୭ରୁ ଅଧିକ ବ୍ୟକ୍ତି ଏକାଠି ହୋଇପାରିବେନି । ମଣ୍ଡପକୁ ତିନି ପାର୍ଶ୍ୱରେ ଆବଦ୍ଧ କରିବାକୁ ନିର୍ଦ୍ଦେଶ ଥିବାବେଳେ ଚତୁର୍ଥ ପାର୍ଶ୍ୱକୁ ମଧ୍ୟ ସଠିକ୍ ଭାବରେ ଆଚ୍ଛାଦିତ କରିବାକୁ ନିର୍ଦ୍ଦେଶ ରହିଛି । ଆଉ ସେଥିପାଇଁ ସହିଦ ନଗରର ଓ୍ କ୍ଲବ ଚଳିତ ଥର ଭକ୍ତମାନଙ୍କ ପାଇଁ ଡିଜିଟାଲ ପୂଜା ଦେଖିବାର ସୁବିଧା କରିଛି ।
ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ
