ଭୁବନେଶ୍ବର: କମିଶନରେଟ ପୋଲିସ ବିରୋଧରେ ବିକ୍ଷୋଭ । ଡିସିପି ଅଫିସ ଘେରିଲେ ଦଳିତ ଆଦିବାସୀ ମହାସଙ୍ଘ । ବାଲିଅନ୍ତା ଓ ବାଲିପାଟଣା ସହ ଧଉଳି ଥାନାରେ ଦଳିତ ପରିବାରଙ୍କୁ ଅଣଦେଖା ଅଭିଯୋଗରେ ଗର୍ଜିଛନ୍ତି ଶହଶହ ଦଳିତ ପରିବାର । ଏନେଇ ଡିସିପି ଅଫିସ ଘେରାଉ ସହ ତୁରନ୍ତ କାର୍ଯ୍ୟାନୁଷ୍ଠାନ ନହେଲେ କମିଶନର କାର୍ଯ୍ୟାଳୟ ଘେରାଉ କରିବାର ମଧ୍ୟ ଧମକ ଦେଇଛନ୍ତି ।
ଗତକିଛି ଦିନ ପୂର୍ବରୁ ବାଲିଅନ୍ତା ଥାନାରେ ଟିକିନା ଘଡେଇ ଦଳିତ ମହିଳାଙ୍କୁ ଆକ୍ରମଣ କରାଯାଇଥିବା ନେଇ ଅଭିଯୋଗ ହୋଇଥିଲା । ସେହିପରି ବାଲିପାଟଣା ଥାନାରେ କାବେରୀ ନାମକ ମହିଳା ଅସଦାଚରଣ ହୋଇଥିବା ଅଭିଯୋଗ ହୋଇଛି । ଏପରିକି ପୂର୍ବ ଶତୃତାକୁ ନେଇ ଧଉଳି ଥାନାରେ ଅଭିଯୋଗ ଆଣିଥିଲେ କୈଳାଶ ବେହେରା । ହେଲେ ଏହି ତିନୋଟି ଯାକ ମାମଲାର 48 ଘଣ୍ଟା ବିତିଥିଲେ ବି ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ ।
ଯାହାକୁ ନେଇ ଚନ୍ଦ୍ରଶେଖରପୁର ଥାନା ଘେରାଉ କରିଛନ୍ତି ମହିଳା । ଟିଣ୍ଡର ଆପରେ ଲଭ ପରେ ସେକ୍ସ ଓ ବ୍ଲାକମେଲ ନେଇ ଜଣେ ବ୍ୟାଙ୍କ ମ୍ୟାନେଜର ସୁନୀଲ ମିଶ୍ରଙ୍କୁ ଗିରଫ କରିଥିବାବେଳେ, ଯୁବତୀଙ୍କୁ ଛାଡିଦେବା ନେଇ ପୋଲିସ ବିରୋଧରେ ଗର୍ଜିଛନ୍ତି । ଏପରିକି ପ୍ରଥମେ ବ୍ଲାକମେଲ ଓ ଅପହରଣ ଅଭିଯୋଗ ଆଣି ଥାନାର ଦ୍ବାରସ୍ଥ ହୋଇଥିବା ବି ଅଭିଯୋଗକାରୀ ସୁନୀଲକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ହେଲେ ଅଭିଯୋଗ ହୋଇଥିବା ଯୁବତୀଙ୍କୁ ଛାଡିଦେବା ନେଇ ଥାନା ସମ୍ମୁଖରେ ଥାନା ଅଧିକାରୀଙ୍କ କାର୍ଯ୍ୟକଳାପକୁ ସନ୍ଦେହ କରି ଋଣହୁଙ୍କାର ଦେଇଛନ୍ତି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
