ଭୁବନେଶ୍ବର: ଦିନକୁ ଦିନ ରାଜ୍ୟରେ ବୃଦ୍ଧି ପାଇବାରେ ଲାଗିଛି ସାଇବର ଠକଙ୍କ ଦୌରାତ୍ମ୍ୟ । ଏଥିରୁ ବର୍ତ୍ତବା ପାଇଁ ନୂଆ ପଦକ୍ଷେପ ଆପଣାଇଛି କ୍ରାଇମବ୍ରାଞ୍ଚ । କ୍ଷୁଦ୍ର ଚଳଚ୍ଚିତ୍ର ମାଧ୍ୟମରେ ସଚେତନ କରିବ କ୍ରାଇମବ୍ରାଞ୍ଚ । ଉନ୍ମୋଚନ କଲେ କ୍ରାଇମବ୍ରାଞ୍ଚ ଏଡିଜି ସଜୀବ ପଣ୍ଡା ସହ କ୍ରାଇମବ୍ରାଞ୍ଚ ଆଇଜି ଓ ଡିଆଇଜି ସହ ଅଭିନେତା ସବ୍ୟସାଚୀ ଓ ଅର୍ଚ୍ଚିତା । ହିରୋ ଓ ହିରୋଇନ ଜରିଆରେ ଗ୍ରାଉଣ୍ଡ ଜିରୋରେ ପହଞ୍ଚିବାକୁ ପ୍ରୟାସ କରିବ କ୍ରାଇମବ୍ରାଞ୍ଚ ।
ସେହିପରି ଅଭିନେତା ସବ୍ୟସାଚୀ କହିଛନ୍ତି ଯେ, ନ୍ୟୁଜ ମାଧ୍ୟମରେ ଦେଖୁଛୁ ଠକାମୀ ସମ୍ପର୍କରେ । ତଥାପି ଠକକୁ ରୋକିବା ହାତରେ ନାହିଁ । ଅନେକ ଲୋକ ଠକେଇ ଶିକାର ପରେ ସୋସିଆଲ ମିଡିଆରେ ମତାମତ ଦିଅନ୍ତି ଯାହାକୁ ଦେଖି ଦୁଃଖ ଲାଗେ ତଥାପି ସଜାଗ ରୁହନ୍ତୁ । ପଇସା ମାଗୁଥିବା ଲୋକ ସମ୍ପର୍କରେ ପ୍ରଥମେ ଯାଞ୍ଚ କରନ୍ତୁ । କାରଣ ଠକାମୀ ପରେ ରିଭର୍ସ କରିବା ସମ୍ଭବ ନଥାଏ । ବିଗିଡି ଯାଇଥିବା ସାଇବର ଠକ ପିଲାଙ୍କୁ ଚେକ ଦେବାକୁ ଏହା ଏକ ପ୍ରୟାସ ।
ଅନ୍ୟପଟେ ଅଭିନେତ୍ରୀ ଅର୍ଚ୍ଚିତା କହିଛନ୍ତି ଯେ, ଠକାମୀରେ ପଡୁଥିବା ଲୋକକୁ ବଞ୍ଚାପାରିବା । ସାହାଯ୍ୟ କରିବା ଭାବି ସାଇବର ଠକଙ୍କ ମେସେଜ ଦେଖି ଚାରିଥର ଭାବିବା କଲ କରିବା ଯାଞ୍ଚକରି ସତ ଜାଣିବା । ଓଟିପି କୋର୍ଡ ପାସଓ୍ବାର୍ଡକୁ ଅଲଗା ନାରେ ପଚାରିଲେ ମଧ୍ୟ କାହାକୁ ସେୟାର କରିବାନି କି ଠକାମୀର ଶିକାର ହେବାନି ।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
